Առողջական 9 խնդիրներ, որոնց մասին զգուշացնում են մեր ձեռքերը
LifeՄեր օրգանիզմը միշտ է հուշում է մեզ մեր առողջական խնդիրների մասին: EnterTrain-ը պարզաբանում է, թե ինչ առողջական խնդիրների մասին կարող են զգուշացնել մեզ մեր ձեռքերը:
1. Ցուցամատի և բութ մատի ցավերը
Ցուցամատի, բութ մատի և միջնամատի ցավերը, թմրածությունը և ծակոցները կարող են դաստակի ներքին բորբոքումների հետևանք լինել: Բորբոքումները ճնշում են նյարդը, ինչն էլ տհաճ երևույթների պատճառ է դառնում: Այդ խնդրին հաճախ բախվում են ձեռքերի միատեսակ շարժումներ անողները, օրինակ՝ ստեղնաշարով աշխատողները կամ դաշնամուր նվագողները:
2. Վերքերի ուշ լավացում
Ձեռքերի վրա կապտուկների և կտրվածքների ուշ վերականգնումը վկայում է շաքարային դիաբետի մասին: Եթե դրանից բացի դուք նաև անընդհատ քաղցի և ծարավի զգացողություն կամ ձեռքերի և ոտքերի թմրածություն, ծակոցներ եք զգում, ուրեմն պետք է անպայման դիմել բժշկի՝ արյան մեջ շաքարի քանակությունը ստուգելու համար:
3. Մատների գույնի փոփոխություն
Պատճառները կարող են շատ տարբեր լինել՝ ցրտահարություն, սթրես, ֆիզիկական ծանրաբեռնվածություն: Դրանք թերևս անվտանգ են, իսկ եթե մատների գույնի փոփոխությունը ուղեկցվում է ցավերով, ծակոցներով, ուրեմն պետք է դիմել մասնագետի օգնությանը. հնարավոր է՝ դրանք պայմանավորված են ողնաշարի, անոթների կամ մաշկային խնդիրներով:
4. Քրտնարտադրության բարձրացում
Հաճախ ձեռքի ափերը քրտնում են ամենահասարակ պատճառներից՝ հուզվածություն, շոգ եղանակ: Իսկ եթե քրտնարտադրությունը չափից շատ է, դա կարող է ափերի հիպերհիդրոզի նշան լինել:
5. Եղունգների կոտրտվելը
Ջրի հետ անընդհատ շփումը, լվացող և կենցաղային այլ քիմիական միջոցները կարող են եղունգների կոտրտման պատճառ դառնալ: Եղունգների շարտավորումը կարող է նաև պայմանավորված լինել վահանաձև գեղձի խնդիրներով:
6. Սառը ափեր
Եթե ձեր ձեռքերի ափերը անընդհատ սառչում են, և մաշկի գույնը փոխվում է, անհապաղ դիմեք բժշկի: Դա կարող է պայմանավորված լինել նյարդային համակարգի և արյան շրջանառության հետ կապված խնդիրներով:
7. Մատների դող
Լարվածությունը և ֆիզիկական ծանրաբեռնվածությունը կարող են մատների դող առաջացնել, որը անհետանում է հանգստանալուց հետո: Սակայն առանց պատճառի դողը կարող է օրգանիզմում վիտամին B1-ի, B6-ի, B12-ի և E-ի պակասի հետևանք լինել:
8. Փքվածություն
Ձեռքերի փքվածությունը կարող է տարբեր պատճառներ ունենալ՝ շոգ եղանակից մինչև օրգանիզմում աղի ավելցուկը: Դրանցով պայմանավորված փքվածությունը շատ արագ է անցնում, իսկ եթե այդ երևույթը միշտ է կրկնվում, հնարավոր է հոդերի բորբոքման հետևանք լինի:
9. Եղունգների գույնի փոփոխություն
Հեմոգլոբինի ցածր մակարդակը կամ անեմիան բնութագրվում է եղունգների կապտուկով, ձեռքերի թուլությամբ կամ վերջույթների ցավով և ծակոցներով:
1
2
3
4
5
1
2
3
4
5
2
