Չի լուծվելու այդ հարցը որևէ սցենարով, քանի դեռ այդ ճանապարհը փակ է. Փաշինյանը՝ Ամուլսարի մասին (Տեսանյութ)
HeaderՎարչապետ Նիկոլ Փաշինյանն այսօր Կապանում անցկացվող ասուլիսի ընթացքում, անդրադառնալով Ամուլսարի հետ կապված հարցին, թե «Լիդիան Արմենիան» չի կարող մուտք գործել այդ տարածք, դա իրավական խնդիր կարո՞ղ է առաջացնել երկրի համար, ընդգծել է, որ Կառավարությունը որևէ խնդիր չգիտի, որ չի բարձրաձայնում: «Իրավական խնդիրներ կարող են ունենալ, որովհետև ենթադրում եմ՝ «Լիդիանը» արբիտրաժ կդիմի, և ես այսօր էլ եմ կոչ անում բացել ճանապարհը»,- նշել է Փաշինյաննը նշելով, որ հայրենակիցների գործողությունները համարում է ոչ տրամաբանական, քանի որ նրանց պատճառով է, որ հարցը մտել է փակուղի: Փաշինյանն ընդգծել է, որ այդ հարցը չի լուծվելու որևէ սցենարով, քանի դեռ այդ ճանապարհը փակված է. նույն ստատուս քվոյի վրա է մնալու, ինչ 2018 թվականին: Ամուլսարի հանքի շահագործման վերաբերյալ Փաշինյանն ընդգծել է, որ և՛ կողմ է, և՛ դեմ, քանի որ դա կապված է Հայաստանի անվտանգային միջավայրի հետ: Եթե հանքը շահագործվեր, ապա այս տարի կունենայինք ոչ թե 7.5, այլ շատ ավելի մեծ տնտեսական աճ, աշխատատեղեր, բայց մյուս կողմից՝ վարչապետն ընդգծել է, որ չի համաձայնվի, որ Ամուլսարի հանքը շահագործվի ի հաշիվ Ջերմուկի, հարակից գյուղերի բնակիչների առողջության կամ անվերականգնելի բնապահպանական վնասների:
1
2
3
4
5
1
2
3
4
2
3
5
