Երրորդ աշխարհամարտը թակո՞ւմ է մեր դուռը

Այս իմաստով վկայակոչենք ֆրանսիացի գրող Ռոմեն Ռոլանի պատկերավոր խոսքը. նկարագրելով Առաջին աշխարհամարտի նախօրեին Եվրոպայում ծավալված փոխադարձ ատելության հաղթարշավը, նա նկատել է, որ եթե նույնիսկ Հիսուս Քրիստոսը երկնքից իջներ և մարդկանց հորդորեր`«Սիրեցեք զմիմյանս», նրան երկրորդ անգամ կխաչեին: Վրացական զինվորական փորձագետներից երկուսը` Վախթանգ Մաիսայան և Սոսո Ցիսկարիշվիլին համակարծիքի են, որ Սիրիայի հակամարտությունը կարող է դուրս գալ տարածաշրջանի սահմանից և վերաճել Երրորդ աշխարհամարտի: Մաիսայայի կարծիքով, որն, անշուշտ, ինքնատիպ չես անվանի, պատերազմը քայլ առ քայլ շարժվում է դեպի Կենտրոնական Ասիա, քանի որ «իսլամական խալիֆաթն» այնտեղ էլ է հայտնվել: Աֆղանստանի և Սիրիայի իրավիճակը զինվորական փորձագետը նույնացնում է: Դրությունը լարվել է նաև Եմենում, և Մաիսայան չի բացառում, որ հակամարտությունը կարող է տեղափոխվել Աֆրիկյան մայրցամաք, ինչպես նաև` Հարավային Ասիա:

Փորձագետը համոզված է, որ փախստականների հոսքի միջոցով հակամարտությունն արդեն մոտեցել է Եվրոպային: Դրանից զերծ չի մնա նաև Վրաստանը և, Մաիսայայի կարծիքով, իր երկիրը վտանգված է երկու խողովակաշարերի պատճառով, որոնք անցնում են Վրաստանով և կարող են ահաբեկության թիրախ դառնալ ի դեպ, այդ խողովակաշարերից մեկով Հայաստանը գազ է ստանում:

Սոսո Ցիսկարիշվիլին նույնպես տարածաշրջանի իրավիճակն անկայուն է համարում` շեշտելով ԱՄՆ- ի, Ռուսաստանի, Իրանի և Թուրքիայի դերը: «Ոչ ոք չի կարող Սիրիայում միանձնյա գերիշխանություն սահմանել,- ասել է Ցիսկարիշվիլին «Ռեզոնանսի» թերթին:- Անհրաժեշտ է խաղաղ բանակցություն սկսել, սակայն նույնիսկ այդ դեպքում իրական խաղաղության հասնելու ճանապարհը շատ երկար է» Ժանտախտի նախաշեմին խնջույք անելու սովորությունը մարդկության չափ հին է: Արդյոք հնարավոր կլինի՞ այն խախտել 21- րդ դարի սկզբին. ցույց կտա մոտալուտ ապագան: