«Լատենտ համակրություն, Համլետի հոր ուրվական». սրանք հիշելու դեպքում Աշոտյանը Գորգիսյանին խորհուրդ է տալիս զանգել իրեն
HeaderՀՀԿ փոխնախագահ Արմեն Աշոտյանն անդրադարձել է ԱԺ «Լուսավոր Հայաստան» խմբակցության պատգամավոր Գևորգ Գորգիսյանի այսօրվա համեմատությանը։
«ԼՀԿ խմբակցության ԱԺ պատգամավոր Գևորգ Գորգիսյանն այսօր իմքայլական պատգամավորներից մեկին համեմատել է ինձ հետ:
Հորդորում եմ պարոն Գորգիսյանին իշխանություններին հաճոյանալու համար հետայսու գտնել այլ գեղարվեստական լուծումներ և նրանցից ոչ մեկին այլևս ինձ հետ չհամեմատել: Ոչ վերից վար, ոչ էլ բոլորին՝ միասին վերցրած:
Իսկ եթե ինձ հիշելու պատճառն այլ է, օրինակ՝ նախկինում տարած հոգեբանական տրավմա, լատենտ համակրություն կամ ԱԺ դահլիճում շրջող Համլետի հոր ուրվականը, ապա նա պարզապես կարող է հավաքել իմ հեռախոսահամարը ՝ առանց փնտրելու իմ շողքը որոշ պատահական և անդեմ անցորդների մեջ», - Facebook-ում գրել է Աշոտյանը։
«Լուսավոր Հայաստան» խմբակցության քարտուղար Գևորգ Գորգիսյանին իմքայլական գործընկեր Սուրեն Գրիգորյանի ելույթները հիշեցրել էին Արմեն Աշոտյանին:
«Մենք նախկին գումարման Ազգային ժողովում էլ ենք եղել ու, երբ, օրինակ, մեր գործընկեր Սուրեն Գրիգորյանն այստեղից խոսում էր, ուզում էի ասել՝ «պարոն Աշոտյան, պարիկով եկե՞լ եք այստեղ», ոնց որ նույն ելույթները, բառացի նույն տոնայնությամբ, նույն ինքնասիրահարված մոտեցմամբ», - ասել էր Գորգիսյանը:
1
2
3
4
5
1
2
3
4
5
2
