Ինչպես մաքրել հնացած ու կեղտոտ թավան

Որքան էլ որ հետևում ենք սպասքին, ժամանակի ընթացքում այն կորցնում է իր սկզբնական գույնն ու փայլը։

Երբեմն թվում է, թե տարիների ընթացքում յուղով ու մրով պատված թավան մաքրելն անհնար է։

Սակայն EnterTrain-ը այսօր մի քանի հին մեթոդ է առաջարկում, որոնք ձեր կաթսաներին ու թավաներին իրենց հին տեսքը կվերադարձնեն։

Անհրաժեշտ բաղադրիչներ

• 100 գրամ սոդա
• 100 գրամ սիլիկատային կամ գրասենյակային սոսինձ
• 100 գրամ մանանեխի փոշի
• 5 լիտր ջուր
• Եփելու տարա

Գործողությունների հերթականությունը․

1. Հագեք ձեռնոցներն ու բացեք պատուհանը։

2. Մեծ կաթսայի մեջ ջուր տաքացրեք։

3. Ջրի մեջ հերթականությամբ լուծիր բաղադրիչները՝ սոդան, սոսինձը, մանանեխը։

4. Եթե թավայի բռնակը պլաստիկից է, հանեք, որպեսզի չվնասվի։

5. Թավան մտցրեք եռացող ջրի մեջ այնպես, որ ամբողջովին ջրով ծածկվի։

6. Կափարիչը փակ վիճակում եռացրեք այն 15-20 րոպե, եթե միջին սևության է, եթե թավան շատ կեղտոտ է և վրայի սև շերտը հաստ է, ուրեմն եռացրեք 45-60 րոպե։

7. Հանեք թավան ջրից․ հիմա այն հեշտությամբ կարող եք մաքրել դանակի կամ մետաղական սպունգի օգնությամբ։

8. Այս միջոցը հարմար է չուգունից և ալյումինից թավաների համար։

Այս բաղադրատոմսի ևս մեկ տարբերակ գոյություն ունի, որի համար խոշոր քերիչով անցկացված տնտեսական օճառ է անհրաժեշտ։

• 70 գրամ գրասենյակային սոսինձ
• 70 գրամ սոդա
• 100 գրամ տնտեսական օճառ
• 5 լիտր ջուր
• Եռացնելու տարա

Գործողությունների հերթականությունը

1․ Հագեք ձեռնոցներն ու բացեք պատուհանը։

2․ Մեծ կաթսայի մեջ ջուր տաքացրեք։

3․ Քերեք օճառն ու ավելացրեք ջրին, լավ խառնեք։

4․ Ջրի մեջ ավելացրեք սոդան և սոսինձը, լավ խառնեք։

5․ Եթե թավայի բռնակը պլաստիկից է, հանեք, որպեսզի չվնասվի։

6․ Թավան մտցրեք եռացող ջրի մեջ այնպես, որ ամբողջովին ջրով ծածկվի և եռացրեք 45-60 րոպե։

7․ Հանեք թավան ջրից․ հիմա այն հեշտությամբ կարող եք մաքրել դանակի կամ մետաղական սպունգի օգնությամբ։

Ինչ անել, որպեսզի սնունդը թավայի մեջ չվառվի

1. Բոլոր կողմերից թավան կամ կաթսան բուսայուղով պատեք, 30 րոպե դրեք 200 աստիճան տաքացված ջեռոցը, հետո սառեցրեք և նորից կրկնեք։

2. Թավայի մեջ աղ լցրեք և դրեք միջին կրակի վրա։ Մոտ 20-30 րոպե տաքացրեք և խառնեք պարունակությունը։ Դրանից հետո աղը թափեք, կաթսան սառեցրեք և ներսից ձեթ քսեք։

Չուգունե սպասքի օգտագործման խորհուրդներ

1. Տաք չուգունը մի դրեք սառը ջրի տակ, այն կփչացնի մետաղը և թավան կարող է ճաքել։

2. Մի լվացեք սպասք լվանալու մեքենայի մեջ։

3. Թավան պետք է լվանալ շատ տաք ջրով։

4. Ջուգունե թավայի մեջ պետք չէ առավելագույն կրակով պատրաստել, սկզբում թավան տաքացրեք, իսկ հետո իջեցրեք կրակը։