Մերձմոսկովյան ռեստորանի մոտ բացված կրակի հետևանքով վիրավորվել է Ալեքսանդր Սերովը. նրան վիրահատել են
Ուշադրության կենտրոնումՌուս հայտնի երգիչ Ալեքսանդր Սերովը մերձմոսկովյան ռեստորաններից մեկի մոտ բացված կրակի հետևանքով ոտքի շրջանում վիրավորում է ստացել, հայտնում է Star Hit-ը:
Դեպքը տեղի է ունեցել Նոր տարվա նախօրեին: Սերովի ընկերակցությամբ գտնվող մարդիկ վիճել են ռեստորանի այլ հաճախորդների հետ: Ոգելից խմիչքներից տաքացած հաճախորդները վիրավորանքներից անցել են կտրուկ գործողությունների:
«Ես հանգստանում էի սրճարանում, որտեղ վիճաբանություն սկսվեց, հետո դուրս եկանք փողոց` խոսելու, այսպես ասած` տղամարդու նման իրար հասկանալու համար: Սակայն խոսակցություն չեղավ, քանի որ պարզվեց` նրանցից մեկն ատրճանակ ուներ, որով կրակեց ոտքիս»,- պատմել է երգիչը հրատարակությանը` հավելելով. «Իհարկե, վախեցել էի»:
65-ամյա աստղին բուժօգնություն է անհրաժեշտ եղել: Տեղում շտապօգնություն է կանչվել և վերջինիս տեղափոխել են Վիշնևսկու անվան վիրաբուժության ինստիտուտ, որտեղ էլ նրան վիրահատել և հեռացրել են փամփուշտը:
Նա նշել է, որ ոստիկանություն չի դիմել, քանի որ կրակողին հաջողվել է հեշտորեն թաքնվել:
«Ի՞նչ դատարան, ինչի՞ մասին է խոսքը: Նրանք վայրկենական ցրվեցին: Կարծում եմ, որ նույնիսկ ոստիկանություն չի ժամանել այնտեղ», - պատմել է երգիչը:
1
2
3
4
5
1
2
3
4
5
3
4
5
