Ես ունեմ ընկերուհի, ով այս պահին Հայաստանում չի գտնվում, բայց ապագայում անպայման իմ կողքին կլինի. Մովսես Երեմյան

Life 14 Հոկտեմբեր, 2015 22:50

Life.panorama.am-ի այսօրվա զրուցակիցն է մոդել, պարող եւ դերասան Մովսես Երեմյանը, ով օրեր առաջ դարձավ 23 տարեկան: Այս շրջանում դերասանը ներկայանում է «Շանթ» հետուստաընկերությամբ հեռարձակվող «Ուրիշի հոգին» հեռուստասերիալում:

Մովսես, երկար ժամանակ էր, ինչ ասես լռում էիք, հետաքրքիր է՝ ինչո՞վ էր պայմանավորված էկրանային լռությունը:

- Լռությունս ավելի շատ պայմանավորված էր իմ մյուս մասնագիտությամբ, քանի որ ես նաեւ պարող եմ եւ դասավանդում եմ այն նույն՝ «Կաստանիետ» ստուդիայում, որտեղ եւ սովորել եմ երկար տարիներ, բացի այդ ամեն շաբաթ հանգստյան օրերին գնում ենք Գյումրի, որտեղ «Կաստանիետ» ստուդիան ունի իր մասնաճյուղը. այստեղի մեր շուրջ 150 եւ ավելի աշակերտներին ամեն շաբաթ եւ կիրակի օրերին փորձում ենք փոխանցել մեր մասնագիտական հմտությունները լատինոամերիկյան եւ եվրոպական պարերի գաղտնիքների վերաբերյալ: Հիմա, երբ խաղում եմ «Ուրիշի հոգին» հեռուստասերիալում, կրկին աչքաթող չեմ անում պարը ինչպես այստեղ՝ Երեւանում, այնպես էլ Գյումրիում:

Մովսես, հիմա հանդես եք գալիս «Շանթ» հեռուստաընկերությամբ հեռարձակվող «Ուրիշի հոգին» հեռուստասերիալում, ինչպե՞ս ստացաք առաջարկը եւ հետաքրքիր է՝ նոր կերպարին հե՞շտ ինտեգրվեցիք:

- Առաջարկը ստացա «Շանթ» հեռուստաընկերությունից, մասնակցեցի քասթինգին, որտեղ էլ ընդունվեցի: Այստեղ ինձ կերպարը այնքանով դուր եկավ, որ այն մաքսիմում նման է ինձ, իմ ապրելակերպին, բնավորությանը: Այնպես որ հետաքրքիր էր, ես էլ փորձեցի նկարահանվել եւ իմ կերպով ներկայացնել այդ հերոսին: Այս հեռուստասերիալում ներկայացված է մի իրավիճակ, որտեղ մարդիկ փորձում է պայքարել սոցիալական անհավասարության դեմ, որտեղ շատ շեշտակի ներկայացված են հարուստ եւ աղքատ մարդկանց տարբերությունները, այս անհավասարության մեջ ծնվում է սերը, ինչը եւ հաղթում է: Իմ հերոսը փորձում է իր սիրելիին դուրս հանել ստի միջից:

Եթե հետեւենք Ձեր խաղացանկին, կնկատենք, որ բացասական կերպար դուք դեռ չեք մարմնավորել, սա Ձեր ցանկությո՞ւնն է, թե ռեժիսորների ընտրությունը:

- Ոչ, դա իմ ցանկությամբ չի լինում: Վերջերս զրուցում էի ռեժիսորներից մեկի հետ, որի ժամանակ նա ասաց, ինչպե՞ս կարելի է քո դեմքով մարդուն բացասական կերպար տալ, չգիտեմ, գուցե հենց դրանով է պայմանավորված այդ միտումը:

Ճի՞շտ հասկացա, առաջարկի դեպքում բացասական կերպար ներկայացնելուց չե՞ք հրաժարվի:

- Ոչ, չեմ հրաժարվի, ավելին՝ ինձ էլ շատ հետաքրքիր կլիներ նման դեր մարմնավորել: Ամեն դեպքում, մի փոքր ձանձրալի է անընդհատ միօրինակ կերպարներով հանդես գալը:

Բացի հեռուստասերիալից եւ պարից այլ ծրագրեր ունե՞ք:

- Հիմա գործնական լուրջ փուլում եմ, շատ եմ աշխատում, փորձում եմ մաքսիմում շուտ կառուցել ապագաս, ֆինանսապես կայանալ: Այսինքն՝ բացի արդեն հայտնի աշխատանքներից, այլ գործերով եւս զբաղվում եմ, որոնց մասին չէի ցանկանա բարձրաձայնել. ուժերս ամեն տեղ եմ փորձում:

Մովսես, ավարտել եք Երեւանի թատրոնի եւ կինոյի պետական ինստիտուտի երաժշտական բաժինը, հետեւաբար ունեք ձայնային տվյալներ, սա հնարավո՞ր է առիթ հանդիսանա, որ մի օր Մովսես Երեմյանը երգի:

- Հնարավոր է, բայց ավելի քիչ հավանական: Որպես երգիչ չեմ պատրաստվում ներկայանալ ժողովրդին, կերգեմ միայն իմ մտերիմների համար: Կարծում եմ, մի փոքր շատ կլինի պարող, մոդել, դերասան եւ մի բան էլ երգիչ ներկայանալը: Ամեն դեպքում, այս ուղղությամբ առայժմ չեմ մտածել:

Մոդելային բիզնեսի հետ կապված ի՞նչ նորություններ ունեք:

- Այստեղ ես մոդելինգով առանձնապես չեմ էլ զբաղվել: Մոդելային բիզնեսի հետ կապված իմ գործունեությունը հիմնականում ծավալվել է Դոմինիկյան Հանրապետությունում, որտեղ տարբեր մրցույթների եմ մասնակցել: Կարծում եմ, այստեղ այդ ոլորտը չկա եւ չի էլ փորձում զարգանալ, դրա համար անիմստ եմ համարում Հայաստանում այդ ուղղությամբ անգամ խորանալ, երեւի մի նոր սերունդ պետք է գա, ով կփորձի իսկապես լուրջ զբաղվել այդ գործով եւ զարգացնել այդ բիզնեսը մեր երկրում: Հավատացեք, այդ ոլորտը բավականին հետաքրքիր է, ունի իր խորությունները, ուղղակի Հայաստանում չեն գնահատում այն:

Երբեւէ մտածե՞լ եք շարունակել մոդելային կարիերան դրսում:

- 2010թ-ին, երբ մասնակցեցի Դոմինիկյան Հանրապետությունում կայացած «Mister Universe Model» մրցույթին, բավականին շատ առաջարկներ ստացա տարբեր երկրիներից, որոնք ընդունեցի եւ մեկ տարվա ժամկետով պայմանագրեր ստորագրեցի, բայց մեկ տարի աշխատելուց հետո մեկ ամսով վերադարձա այստեղ եւ այդ ընթացքը համընկավ ուսմանս հետ, արդյունքում մի կողմ դրեցի այդ բոլոր աշխատանքները եւ որոշեցի ուսումս շարունակել: Կարծում եմ, եթե հիմա էլ խորանամ այդ ուղղությամբ, գուցե մի բան լինի:

Հիմա զղջո՞ւմ եք, որ այն ժամանակ ընտրեցիք ուսումը:

- Ոչ, չեմ զղջում, երեւի բարին էլ սա էր, եկա, սովորեցի, նաեւ այս ոլորտում հայտնվեցի, հակառակ դեպքում այնտեղ մնալով, երեւի էլ չվերադառնայի Հայաստան:

Մոդելինգը այսպես ասած ժամկետ ունեցող մասնագիտոթյուն է, երբեւէ մտածե՞լ եք, որ բաց կթողնեք տարիները:

- Այո, մոդելային բիզնեսը ժամկետային մասնակգիտություն է, բայց ես դեռ 23 տարեկան եմ եւ գրեթե 15 տարի ունեմ այդ ասպարեզում ուժերս փորձելու համար:

Շարունակությունը՝ այստեղ