ՈւԵՖԱ-­ն ստուգում է անդամ­ երկրների 32 հազար խաղ. ՀՖՖ­-ն առայժմ չի մեկնաբանում ասեկոսեները

Եվրո-­2016-­ի Հայաստան­Ալբանիա խաղը Ֆուտբոլի եվրոպական միության` ՈՒԵՖԱ­-ի կողմից ստուգվող 32 հազար խաղերից մեկն է: Այս մասին հատարարել են ՈՒԵՖԱ­ից ` ի պատասխան սերբական կայքի հարցման` արդյոք պատրաստվում է կառույցը հետաքննել Եվրո­-2016-­ի Հայաստան­Ալբանիա խաղը: «Ֆուտբոլի եվրոպական միությունը ստուգում է ՈՒԵՖԱ­ի անդամ պետությունների թե ազգային ընտրանիների և թե ազգային առաջնության թիմերի մասնակցությամբ խաղերը: Մոտ 32 հազար խաղեր ստուգվում են ՈՒԵՖԱ­ի կողմից, այդ թվում նաև` Չեմպիոնների լիգայի և Եվրոպայի լիգայի հանդիպումները: Այս ամենը վերաբերում է ցանկացած խաղի՝ ներառյալ նաև այդ խաղը»,­«Արմենպրես»-­ի հաղորդմամբ, ՈՒԵՖԱ-­ի ներկայացուցչի խոսքերը մեջ է բերում Новости կայքը:

Հայաստանի ֆուտբոլի ֆեդերացիան առայժմ չի մեկնաբանում ասեկոսեները` նշելով, որ պաշտոնական դիրքորոշում կարտահայտի առաջիկայում: Սերբական և ալբանական լրատվամիջոցները, միմյանց հղում տալով, Ալբանիայի պատմական հաղթանակից և Եվրո­2016­ի ուղեգիր նվաճելուց հետո տարածում են Հայաստանի հավաքականի անդամներից ոմանց կաշառված լինելու խոսակցությունները:

Դրանք ձեռնտու են հատկապես սերբական կողմին. եթե պարզվի, որ այնուամենայնիվ, կաշառք եղել է, ուրեմն Ալբանիան կզրկվի իր պատմական հաջողությունից` Եվրոպայի առաջնության մասնակցությունից, իսկ նրանց փոխարեն Եվրոպայի առաջնությանը մեկնելու համար «ճամպրուկները կհավաքեն» սերբերը, անցումային խաղերին պետք է մասնակցի նաև Դանիայի ընտրանին: