Ի՞նչ հագուստով դիմավորել Առնետի տարին

Առնետի տարին դիմավորելու համար առաջին հերթին պետք է նոր հագուստ կրեք: Բաց գույները համադրեք վառ երանգների հետ: 

Ձեր զգեստի մեջ անպայման պետք է թեկուզ մեկ մետաղական աքսեսուար լինի: 

Իհարկե, պետք է հոգ տանեք նաև այն մասին, որ հագուստը հարմարավետ լինի: 

Կտորների ընտրության հարցում Առնետի տարում պետք է նախընտրությունը տալ բնական կտորներին: Գույների ընտրության դեպքում պետք է հաշվի առնել, որ Առնետին դուր կգան հանգիստ, չեզոք գույները, իհարկե, նաև մոխրագույնը: Կարելի է կերպարին հավելել նաև որոշակի վառ գույներ, չէ որ գործ ունեք տոնական հագուստի հետ: 

Օրինակ՝ հրաշալի տարբերակ կլինեն փայլփլուն կաշվից կոշիկները: Խորհուրդ է տրվում նոր տարին դիմավորել արծաթից, ոսկուց, պլատինից զարդերով: Իսկ եթե ամեն դեպքում ընտրել եք բիժուտերիա, աշխատեք, որ այն լինի մետաղական՝ առանց քարերի: 

Կան, սակայն, գույներ, որոնք, օրինակ՝ հակացուցված են Առնետի տարում: Կանաչն ասոցացվում է ծառերի գույնի հետ և համադրելի չէ մետաղական Առնետի հետ, ինչպես նաև կատվազգիների նախշերով զգեստները կամ աքսեսուարները, փայտյա զարդերը, բաց և թափանցիկ զգեստները: 

Իսկ ամանորյա ի՞նչ հագուստ պետք է ընտրեն տղամարդիկ: Ինչպես կանանց դեպքում, տղամարդիկ ևս պետք է ընտրեն շագանակագույն և արծաթյա գույների երանգները: Ինչպես նաև խորհուրդ է տրվում կերպարներին ավելացնել կարմիր, ոսկեգույն կամ կապույտ գույները: 

Իհարկե, սպիտակ վերնաշապիկը, բաց գույնի դասական կոստյումներն իդեալական տարբերակ են տղամարդկանց կերպարները կատարյալ դարձնելու համար: 

Միևնույն ժամանակ, այն տղամարդիկ, որոնք չեն սիրում դասական տաբատներ, կարող են ընտրել ջինսեր: 

Այն տղամարդիկ, որոնք Նոր տարին դիմավորելու են սիրելիի հետ, պետք է նրա հետ համապատասխանեցնեն նաև հագուստը: Զույգի արտաքին տեսքը պետք է գեղեցիկ լինի: