Ամերիկացին բանկ է թալանել ու գումարն օդ նետել՝ բղավելով «Ուրախ սուրբծննդյան տոներ»
ՄիջազգայինԱՄՆ Կոլորադո նահանգի Կոլորադո Սփրինգս քաղաքի բնակիչը՝ 65-ամյա Դևիդ Օլիվերը, քաղաքի կենտրոնական բանկից գողություն կատարելուց հետո գումարն օդ է նետել և բղավել «Բոլորիդ ուրախ սուրբծննդյան տոներ», գրում է The Hill պարբերականը:
Միջադեպը տեղի է ունեցել երկուշաբթի երեկոյան: Ականատեսը KKTV հեռուստաալիքին պատմել է, որ 65-ամյա տղամարդը թալանած փողերն օդ նետելուց հետո գնացել է մոտակա Starbucks սրճարան, որտեղ սպասել է իրավապահների ժամանելուն:
Ոստիկանության հայտարարության համաձայն՝ Օլիվերը դիմադրություն ցույց չի տվել ձերբակալման ժամանակ, նրա մոտ զենք չի հայտնաբերվել: Ինչպես նշում է լրատվամիջոցը, ականատեսները հայտնել են, որ անցորդները հավաքել են շաղ տված փողերը և դրանք վերադարձրել բանկին:
Թե ինչ գումարի մասին է խոսքը, հայտնի չէ։ Այնուհանդերձ, ոստիկանության սերժանտ Ջիմ Ջեֆոկատը հայտարարել է միջադեպի հետևանքով «հազարավոր դոլարների» կորստի մասին:
1
2
3
4
5
1
2
4
3
5
