Հեքիաթային Ամանոր․ Կախարդական ամանորյա գիշեր է սպասվում կենդանակերպի այս նշաններին

Մարդուն բնորոշ է հավատալ հրաշքներին, իսկ ամանորյա գիշերը այդ հավատքը ավելի է ուժգնանում և արդեն ոչ միայն երեխաներն են անհամբեր սպասում Նոր տարվան, այլ նաև մեծահասակները: Կուրանտների ձայնի ներքո մարդկանց մոտ առաջանում է իրավիճակի խորհրդավորության զգացում, հրաշքի, անհավանականի կանխազգացում: Յուրաքանչյուրն ունի հրաշքի իր պատկերացումն ու սպասումը: Երեխաների համար դա իրենց երկար սպասված և խնդրած խաղալիքներն են, իսկ ահա մեծահասակների մոտ՝ երկարամյա երազանքների իրականացման ժամանակաշրջան:

Մետաղական կամ Սպիտակ Առնետի տարին պատրաստել է ճակատագրի իսկական հրաշքներ և նվերներ այն մարդկանց համար, որոնք ծնվել են հետևյալ Կենդանակերպի նշանի տակ․

Խեցգետին

Այս նշանի տակ ծնված մարդիկ վարում են աշխատանքով, գործերով և ընտանեկան հոգսերով լեցուն կյանք, կարծես ամեն ինչ ենթարկվում է արդեն նախապես գրված պլանին: Տպավորություն է ստեղծվում, որ նրանք չեն կարող ցուցակից նույնիսկ բաց թողնել մի քանի կետ, որպեսզի զբաղվեն մեկ այլ գործերով: Մտորումների հազվադեպ ժամանակ Խեցգետինները հիշում են հին ժամանակները և հին ընկերներին, որոնք մնացել են այնքան հեռավոր անցյալում, որ թվում է, որ սա բոլորովին այլ կյանք է: Եվ ահա Առնետի տարին պատրաստել է բավական հաճելի անակնկալ այս նշանի համար՝ հանդիպում հին ընկերների, բարեկամների հետ: Հրաշքը տեղի կունենա և ամանորյա գիշերը Խեցգետինը կտեսնի բոլոր նրանց, որոնք իր համար եղել են և կան շատ թանկ մարդիկ:

Առյուծ

Առյուծ համաստեղության ուժեղ և գեղեցիկ ներկայացուցիչները կստանան իրենց հրաշքը Առնետի տարվա գալստյան գիշերը՝ երկար սպասված արժանիքների գնահատում, որոնք Առյուծների մոտ բավական շատ են: Նոր տարում նրանց կգովեն, կհիանան և կհպարտանան նրանցով: Դա Առյուծին կդարձնի իրոք երջանիկ: Այնպես որ եթե դուք պատկանում եք հենց այս համաստեղությանը, ապա անպայման հրավիրեք որքան հնարավոր է շատ հյուրեր, որպեսզի գովեստն էլ շատ լինի:

Կույս

Այս նշանը շատ ուժեղ է իր ինտուիցիայով, և այն գալիք ամանորյա գիշերը կօգնի Կույսերին զգալ ինչ-որ այլ, առավել լավ ապագայի պորտալի բացում: Առնետի տարում նրանց կյանքը լրջորեն կփոխվի: Նրանք կսկսեն հետաքրքիր առաջարկներ ստանալ աշխատանքում: Կարիերան վերելք կապրի: Ամենահաջողակներին և նրանց, որոնք հավատում են սեփական ուժերին՝ սպասվում են փոփոխություններ, որոնց մասին իրենք էլ չեն երազել:

Այծեղջյուր

Այծեղջյուրների ստեղծագործական ձիրքը այս ամանորյա գիշերը վերջապես իր պտուղները կտա: Նոր տարին իրենց նոր նախագծերին փառք կբերի, աշխատանքը հեռանկարային կպարզվի, ինչը անպայման ազդեցություն կունենա այս մարդկանց և նրանց ընտանիքների բարեկեցության վրա: Ընդորում աստղերը հուշում են, որ այս փոքրիկ հրաշքը միայն սկիզբն է: Այծեղջյուրները ստիպված պետք է լինեն շարունակել աշխատել, որպեսզի Սպիտակ Առնետը նրանց հետ ավելի երկար մնա և չփախչի ամենաանհարմար պահին:

Ցուլ

Ցուլերի ամենանվիրական ցանկությունները կսկսեն իրականանալ արդեն Նոր տարվա շեմին: Նրանք, ովքեր սպասում են հրաշքի՝ կստանան այն, որովհետև միայն բաց դռնով է գալիս երջանկությունը: Այն չի թակում այնտեղ, որտեղ փակ է: Ցուլերի համար հավանական հրաշքը՝ սիրո խոստովանություն մտերիմից, նաև բացառված չէ առաջարկություն: Բացի դրանից աստղերը ցույց են տալիս շատ անսպասելի նվերներ՝ թանկարժեքներից մինչև հանգիստյան ճանապարհորդություն և թանկարժեք գույքի ձեռքբերում:

Ջրհոս

Այս նշանի տակ ծնված մարդկանց համար ճակատագիրը՝ ի դեմս Սպիտակ Առնետի պատրաստել է ամենաանսպասելի իրադարձություններ: Նրանց սպասվում են զարմանահրաշ հանդիպումներ, արկածներ, նաև ռոմանտիկ ժամադրություններ: Այդ գիշեր հավանական է ծանոթություն այնպիսի մարդու հետ, որը նրանց կյանքի վրա մեծ ազդեցություն կունենա՝ մասնագիտական աճի և նյութական բարեկեցության առումով: