Զիրոյանին հանդիպեցի թատրոնի միջանցքում : Նրա մարդկային որակները նկատեցի վայրկյաններ անց

Past.am-ը հետևում է հայտնիների վարկանիշների բարձր լինելուն , ըստ որի նրանք հյուրընկալվում են մեզ : 

Այս դեպքը մի փոքր տարբերվող էր `  Զիրոյանը հրավիրեց Երևանի Կամերային թատրոն ներկայացում դիտելու :

Հրավերն ընդունվեց ու մենք մինչև ներկայացումը սկսվելը սպասում էինք գերլարված գրաֆիկով աշխատող դերասանին :

Հանդիպեցինք միջանցքում , ծանոթանալուց , նրա հետ խոսելուց հետո հասկանալի էր թե ինչու էին կարճ ժամանակահատվածում երկրպագուները այդչափ սիրում նրան : Պատասխանատվություն , աշխատասիրություն գործի հանդեպ նվիրվածություն ` հատկանիշներ , որոնք Զիրոյանինն են :

-Ո՞ր ներկայացումների մեջ եք խաղում թատրոնում .

-Կամերային թատրոնում զբաղված եմ խաղացանկային համարյա բոլոր նեկայացումներում` «Սիրո խոստովանություն», «Կառավարական համերգ», «Ռոմեո և Ջուլիետ», «Ալբանիա+», «Show #3», «Cabaret“», իսկ Պարոնյան թատրոնում`«Բումերանգ» ներկայացման մեջ:  

-Թատրոնը քեզնից տանում է ի՞նչ  և տալիս է ի՞նչ .

-Տանելու մասին չեմ էլ մտածել, իսկ ինչ է տալիս ինձ թատրոնը. այն, ինչի պակասն ու պահանջն ունեմ, իսկ դրանք շատ են:

-Սերիալի Մարկին որքանո՞վ եք նման .

-Մարկի կերպարն ինձ հետ կապ չունի, և բացարձակ նմանություն չունենք:

-Երբևէ ունեցե՞լ եք անհամաձայնություն կերպարիդ հետ  .

 -Իհարկե, շատ անգամներ: 

-Իննա Խոջամիրյանը քմահա՞ճ գործընկերուհի է 

-Ոչ, չկա նման բան, Իննան հրաշալի խաղընկերուհի է:

-«Վումանս կլաբ» - ում կատարող դերասա՞ն եք, թե՞ սցենարին կարող եք միջամտել  

-Հինականում կատարող դերասան եմ, բայց եթե ավելացնելու բան լինի, վստահ եմ` ընկերներս սիրով կընդունեն առաջարկս:

- Զիրոյանը ինքը իր համար ժամանակ ունենո՞ւմ է 

-Միշտ, ու միշտ կարող եմ ժամանակ գտնել, առհասարակ, ցանկության դեպքում բոլորն էլ կարող են ժամանակ գտնել:

-Ու՞մ հետ և որտե՞ղ եք անցկացնում հանգստին տրվող րոպեները 

-Սովորաբար ընկերներիս, ընտանիքիս հետ: