«Ունեմ պայմանագիր 1 տարի չամուսնանալ». Երևանի ամենագեղեցիկ աղջիկը մրցույթի և հետագա պլանների մասին
LifePast.am-ը գրում է
Վերջերսս Երևանում կայացել է «Միսս Երևան» գեղեցկության մրցույթը, որի հիմնադիր ղեկավարը Արթուր Վարդապետյանն է:
Երեկոյի շքեղությունը և գեղեցիկ մրցակցությունը ապահովել են18-26 տարեկան 19 գեղեցկուհիներ:
Մասնակիցների հավաստմամբ նա ջանքեր չի խնայել, որպեսզի աղջիկները հենց նախնական փուլից սկսված մինչև վերջին անգամ բեմում հանդես գալը իրենց զգան ապահով ու առանց ավելորդ լարվածության կարողանան ներկայանալ հանձնաժողովի անդամներին, ինչպես նաև ունենան հնարավորություն լիարժեք ինքնադրսևորվելու:
Երևանում բազմաթիվ կազմակերպություններ սիրով կամեցել էին նվերներ հանձնել գեղեցկուհիներին:
Մրցանակակիրը, ով պաշտոնապես կդառնար «Երևանի թիվ մեկ սիրուն աղջիկ», որպես պարգև կստանար ավտոմեքենա:
Երեկոյի թագուհին 18-ամյա Անգելինա Տանանյանն էր, ով սովորում է երաժշտական քոլեջում, ում բացարձակ չի խանգարում մոդելային կարիերան: Նշենք, որ Անգելինան ապագա դաշնակահարուհի է:
Մինչ բոլորը հետաքրքրվում են Անգելինայի հաջողություններով՝ Past.am-ը հնարավորություն ունեցավ շփվելու նրա հետ, ու գեղեցկուհուց ստանալու մի շարք հարցերի պատասխաններ:
- ԱՆգելինա աղջկական երազանքներում տեղ գտե՞լ էր գեղեցկուհու տիտղոսին արժանանալը:
- Այո, իհարկե: Փոքր տարիքից հետաքրքրվել եմ նմանատիպ մրցույթներով ու ինձ միշտ պատկերացրել եմ այդպիսի նախագծերի մասնակից: Հայտարարված մրցույթին սիրով մասնակցել եմ ու ճիշտն ասած շատ էի ուզում հաղթել, սրտի թրթիռով սպասում էի, հույս ունեի անունս կհնչեր: Ցանկանում եմ յուրաքանչյուր հայ աղջիկ զգա այդ ապրումները:
- Արդեն ունեք պայմանագիր, որ մեկ տարի չեք ամուսնանալու, կա՞ ինչ որ մեկը, ով այդ լուրից կնեղսրտեր:
- Ոչ, դեռ չկա: Առաջիկա նպատակներս կապված են միայն ուսման և կարիերայիս հետ:
- Իսկ եթե որևէ երիտասարդի մտքով անցնի ձեր բակում նվագախմբի հետ հատուկ ձեզ համար երգել «Երևանի սիրուն աղջիկ»-ը, ինչպե՞ս կընդունեք:
- Իհարկե դրական կվերաբերվեմ, ուրեմն դեռևս կան նման գեղեցիկ քայլերի ընդունակ երիտասարդներ (ժպտում է):
1
2
3
4
5
1
2
5
