Կերե՛ք, կերե՛ք, ինձ էլ կերե՛ք... ուտելու կռիվ է...

Արթուր Հայրապետյանը ֆեյսբուքյան իր էջում գրում է .

Կերե՛ք, կերե՛ք, ինձ էլ կերե՛ք... ուտելու կռիվ է... ոսկորի համար դոշ տալու, սեփական երկիրն ուրանալու՝ թալանի կռիվ է... դրա համար էլ հուր հավիտյան գահին նստելու համար ամեն միջոց օգտագործելու են, որ հասնեն՝ այո-ի դաշտ... դե ո՞վ կուզի, որ ոսկորը, որպես ծծակ, երախներից դուրս մնա, չէ՞, որ էս սովի տղերքը սովոր են մեր ոսկորների համին... 
Սերժիկի փռած լվացքի պարանի վրա հույս մի դրեք, նա այդ պարանը օգտագործելու է ձեր դեմ... ամեն մեկիդ մի-մի պարան է հասնելու, որ դուք ձեր գլխի ճարը տեսնեք...

Հիմա սարհմանադրական բարեփոխումների ծրագիրը անցկացնելու համար պետական բյուջեն լավ ժաժք են տալու, <այո>-ի համար քիչ փող պետք չի.... շա՜տ փող է պետք... ինչպես որ ՀՀ Անկախության տոնը նշելու համար ծախսվեց 22,5 մլն դրամ, Էրեբունի Երևանի տոնակատարության համար ծախսվելու է 160 մլն դրամ՝ այսինքն 7 անգամ շատ: Դե սահմանադրական բարեփոխում ծրագիրն էլ առաջին հորիզոնականում է մնում ու փողերի լվացումը ուղիղ անցնում է յուրաքանչյուրի գրապանի, ընտանիքի անդամների հաշվին: Այնպես որ աշունը գնալով էլ ավելի է թեժանում, իսկ պետական միջոցներով փող-լվացումը դառնում է օրինաչափություն, էս էլ արդեն քանի տարի է, ասում-խոսում ենք ու դեռ այո-ոչ ենք խաղում, այն դեպքում, երբ վաղուց պետք է ազատագրած լինեինք մեր հայրենիքը էս սովի տղերքից, ովքեր մեր ձեռքից խլել են մեր երկիրն ու մեզ վարձակալ են արդեն իրենց մոտ, ինչպես եկվորների... մտածողությունն էլ, ինչպես լեզուն՝ աղապ-ճաղապ, փռել ենք մտագարների գոգին ու սպասում ենք հրաշքների, այն դեպքում, երբ հրաշքները վերևից չեն ընկնում, այլ խելամիտ քայլերով ու սեփական գաղափարների շնորհիվ է մարդուն տրվում...