ԱՄՆ-ը կպահպանի ռազմական ներկայությունն Աֆղանստանում. Թրամփ
Header
ԱՄՆ-ը կպահպանի ռազմական ներկայությունն Աֆղանստանում, եթե անգամ Վաշինգտոնը համաձայնություն ձեռք բերի թալիբների հետ 18-ամյա պատերազմը դադարեցնելու մասին։ Այս մասին ասել է ԱՄՆ նախագահ Դոնալդ Թրամփը Fox News ռադիոյի հարցազրույցում։
«Մենք պատրաստվում ենք պահպանել մեր ներկայությունն այնտեղ։ Մենք էապես կկրճատենք զինվորականների թիվը, բայց միշտ ներկա կլինենք այնտեղ»,- ասել է Թրամփը՝ ավելացնելով, որ ԱՄՆ-ը կկրճատի զինվորականների թիվն Աֆղանստանում՝ թողնելով 8600 զինվորական, եւ թե ինչպես վարվեն հետագայում՝ կորոշեն ավելի ուշ։
«Մենք այնտեղ պատերազմ չենք վարում, մենք պարզապես ոստիկաններ ենք»,- նշել է նա։ «Մենք կարող էինք շահել այդ պատերազմը արագ, եթե ես ցանկանայի սպանել 10 մլն մարդ, բայց ես դա չեմ անի։ Ես չեմ պատրաստվում սպանել այդ երկրի բնակչության մեծ մասին։
Թրամփը Աֆղանստանն անվանել է «Ահաբեկչության Հարվարդի համալսարան»՝ ասելով, որ մարդիկ «ուսուցում են անցել, իսկ հետո գրոհել են Առեւտրի համաշխարհային կենտրոնը»։ «Մենք պետք է հետեւենք Աֆղանստանին։ Ես չգիտեմ՝ տեղի կունենա՞ արդյոք այդ գործարքը»,- ասել է Թրամփը՝ նկատի ունենալով Վաշինգտոնի եւ թալիբների միջեւ հնարավոր համաձայնագիրը։
1
2
3
4
5
1
2
3
4
5
2
