Նոր մանրամասներ «Բարսելոնայի» ու ՊՍԺ-ի բանակցություններից
Ուշադրության կենտրոնումԿատալոնական «Բարսելոնայի» ներկայացուցիչներն այժմ գտնվում են Ֆրանսիայի մայրաքաղաք Փարիզում, որտեղ ընթանում են բրազիլացի հարձակվող Նեյմար Ժունիորի տեղափոխության շուրջ բանակցությունները:
Իսպանական ԶԼՄ-ները հաղորդում են, որ կողմերը շատ մոտ են համաձայնության գալուն: ՊՍԺ-ն ցանկանում է Նեյմարի դիմաց «Բարսելոնայից» ստանալ 100 միլիոն եվրո, նաև Ուսման Դեմբելեի և Նելսոն Սեմեդուի տրանսֆերային իրավունքները: «Բարսելոնան» դեմ չէ առաջարկվող տարբերակին:
Բանակցություններին մասնակցում է անձամբ ՊՍԺ-ի սեփականատեր Նասեր Ալ-Խելայիֆին: «Բարսելոնայի» տնօրենների խորհրդի անդամ Օսկար Գրաուն, որն ակումբի տեխնիկական տնօրեն Էրիկ Աբիդալի հետ մեկնել էր Փարիզ, մտերիմ հարաբերություններ ունի Ալ-Խելայիֆիի հետ: Այս հանգամանքը կարող է լուրջ դեր խաղալ բանակցություններում:
Հայտնի է դարձել նաև, որ օգոստոսի 26-ին Նեյմարը հանդիպել է ՊՍԺ-ի մարզական տնօրեն Լեոնարդոյի հետ և հայտնել «Բարսելոնա» տեղափոխվելու ցանկության մասին:
Ավելի վաղ տեղեկացրել էինք, որ «Բարսելոնայի» պատվիրակությունը մեկնել է Փարիզ, որպեսզի համաձայնեցնի Նեյմարի տեղափոխության գործարքը:
Այս ընթացքում Նեյմարին հրապարակայնորեն դիմել է «Բարսելոնայի» նախկին ֆուտբոլիստ, բրազիլացի Ռիվալդոն և կոչ արել անել ամեն ինչ՝ «Բարսելոնա» վերադառնալու համար:
«Նեյմար, դու պետք է վերադառնաս այնտեղ, որտեղից չպետք է հեռանայիր»,- Ինստագրամի իր էջում գրել է Ռիվալդոն:
1
2
3
4
5
1
2
3
4
5
2
