Դատավորներին նսեմացնելով՝ մենք ոչ մի բանի չենք հասնի. Գեւորգ Պետրոսյան
ՀասարակությունԴատավորներին նսեմացնելով՝ մենք ոչ մի բանի չենք հասնի։ Այս մասին այսօր՝ օգոստոսի 27-ին, լրագրողների հետ հանդիպմանը կարծիք հայտնեց ՀՀ ԱԺ «Բարգավաճ Հայաստան» խմբակցության պատգամավոր Գեւորգ Պետրոսյանը՝ խոսելով դատաիրավական համակարգի բարեփոխումների մասին։
«Ցանկացած համակարգ, այդ թվում դատականը, մշտապես պետք է ենթարկվի փոփոխությունների։
Ամեն համակարգ պետք է ժամանակին արձագանքի կյանքի հրամայականներին։ Իսկ արմատական փոփոխություն 2-3 ամսում հնարավոր չի անել, որովհետեւ դատական համակարգում դատավորին ազատելուց հետո այնպես չէ, որ 2 օր կամ 1 շաբաթ հետո կարող ես նրանց փոխարինող կազմ բերել»,–նշեց նա։
Դիտարկմանը, թե բարեփոխումներն իրականացվում են ասֆալտին փռելով, պատգամավորը արձագանքեց. «Ասֆալտին փռելու մեթոդ չկա, դա մեթոդ չի, որովհետեւ եթե դատավորը սեր ունի կաշառքի հետ, ուզում ես նրան ասֆալտին փռի, ուզում ես գործուղի տիեզերք, նա հենց հայտնվեց հողի վրա, նույն կերպ է վարվելու։ Ասֆալտին փռելով, դատավորներին նսեմացնելով մենք ոչ մի բանի չենք հասնի։ Աշխարհի ո՞ր երկրում են դատավորներին փռում ասֆալտին, հետո ասում են՝ բա ինչո՞ւ ներդրումներ չեն արվում, ներդրողները ասում են, որ եթե ձեր երկրում արդարադատության ներկայացուցիչներին փռում են գետնին, ծեփում են ասֆալտին, ես ո՞վ եմ, որ ինձ չփռեն։ Դրա համար ներդրում չկա եւ չի լինելու»։
1
2
3
4
5
5
4
