Ճանապարհային ոստիկանությունը կրկին հորդորում է վարորդներին կնքել ԱՊՊԱ պայմանագրեր
Header
ՀՀ ճանապարհային ոստիկանությունը հիշեցնում է, որ «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» և «Ճանապարհային երթևեկության անվտանգության ապահովման մասին» ՀՀ օրենքների համաձայն՝ ԱՊՊԱ պայմանագիր ունենալը, ինչպես նաև ուժի մեջ գտնվող տեխնիկական զննության կտրոնը տրանսպորտային միջոցի դիմապակուն փակցնելը, պարտադիր են, իսկ ԱՊՊԱ պայմանագիր չունենալը, ինչպես նաև առանց ԱՊՊԱ պայմանագիր ունենալու կամ տեխնիկական զննության կտրոնը փակցնելու վարելն առաջացնում է վարչական պատասխանատվություն՝ համապատասխանաբար ԱՊՊԱ պայմանագիր չունենալու յուրաքանչյուր 10 օրվա համար 5000 դրամ, առանց ԱՊՊԱ պայմանագրի վարելու համար՝ 100 հազար դրամ, առանց ուժի մեջ գտնվող տեխնիկական զննության կտրոնը փակցնելու վարելու համար՝ 20 հազար դրամ:
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, ԱՊՊԱ պայմանագիր չունենալու համար սահմանված՝ յուրաքանչյուր 10 օրվա համար 5000 դրամ վարչական տուգանք նախատեսող պատասխանատվությունից խուսափելու նպատակով հաշվառումից ժամանակավոր հանված տրանսպորտային միջոցը վարելը ևս առաջացնում է վարչական պատասխանատվություն: Մասնավորապես, նման արարքն իր մեջ ներառում է մի քանի իրավախախտում (առանց համարանիշների, առանց ԱՊՊԱ պայմանագրի, առանց հաշվառման վկայագրի տրանսպորտային միջոց վարելը), և նույնիսկ բոլոր իրավախախտումները միաժամանակ քննելու դեպքում կառաջացնի տուգանք՝ 100 հազար դրամի չափով:
Ճանապարհային ոստիկանությունը կրկին հորդորում է վարորդներին կնքել ԱՊՊԱ պայմանագրեր և տրանսպորտային միջոցը վարել միայն ԱՊՊԱ պայմանագիր ունենալու և տեխնիկական զննության կտրոնը սահմանված տեղում փակցված վիճակում լինելու դեպքում:
1
2
3
4
5
1
2
3
4
5
2
