Համահայկական խաղերի բացումը բացառիկ է լինելու
Սպորտ7-րդ համահայկական խաղերի բացման արարողությունը խոստանում է լինել անմոռանալի:
Ստեփանակերտը պատրաստ է մեծագույն իրադարձությանը` 7-րդ համահայկական խաղերի բացմանը, որը հոբելյանական է` 20 տարի է, ինչ աշխարհի տարբեր ծայրերից հայրենիք են գալիս հազարավոր երիտասարդներ:
«Բացման արարողության ժամանակ խաղերի կրակը կվառեն Հրաչյա Պետիկյանը, Արմեն Բոյաջյանը և Արցախի թեմի հոգևոր առաջնորդ Պարգև Սրբազանը: Նմանատիպ բացման արարողություն դեռևս չի եղել, այն իրապես բացառիկ կլինի, քանի որ ձգվելու է մոտ 3,5 ժամ: Այն մտնելու է պատմության մեջ: Օգոստոսի 6-ը հայ ազգի միասնության օրն է դառնալու»,- լրագրողների հետ զրույցում ասաց խաղերի կազմկոմիտեի անդամ Դերենիկ Գաբրիելյանը:
Բացման արարողությունը, ավանդույթի համաձայն, կվարի Կարեն Գիլոյանը: Բացումը կկայանա Ստեփանակերտի քաղաքային մարզադաշտում և կմեկնարկի 21:00-ին:
7-րդ համահայկական ամառային խաղերին այս տարի մասնակցում են մոտ 5000 մարզիկ՝ աշխարհի 145 քաղաքից: Խաղերի մի քանի մարզաձևեր կանցկացվեն Ստեփանակերտում և Արցախի մյուս երկու քաղաքներում, իսկ հիմնական պայքարը կծավալվի Երևանում:
1
2
3
4
5
1
2
3
5
2
