Պետության հետ շանտաժի լեզվով ոչ ոք խոսել չի կարող. ամենախիստ ձևով պատժվելու է. Տավուշի մարզպետ
ՀասարակությունՏավուշի մարզպետ Հայկ Չոբանյանը լրագրողների հետ զրույցում պատմեց Իջևան քաղաքում տեղի ունեցածի նախապատմությունը։ Մարզպետը երկու օր առաջ մարզպետարանում ընդունել է բողոքի մասնակիցներին և նշել, որ նրանց պահանջն անօրինական է:
«Վերջին տարիների ընթացքում անօրինական անտառահատումները կարգով մի քանի անգամ՝ 5-7 անգամ, ավելի մեծ ծավալներ են ունեցել, քան օրինական անտառահատումները, մեկ տարի առաջ դեռևս ՀՀ կառավարությունն առաջարկ արեց, ներկայացրեց ամբողջ խնդիրը»,- ասաց մարզպետը: Չոբանյանի խոսքի ընթացքում մարզպետարանում բողոքող ցուցարարների հարազատներն անընդհատ ընդհատում էին.
«Կառավարություն կա հա՞, Հայաստան կա՞, թուրքեր են ... սուտ եք ասում, ամեն ինչը սուտ եք ասում, խորհրդարան չկա»:
Մարզպետը հունից դուրս եկավ.
«Հիմա բոլորդ լսե՛ք և իմացե՛ք հետևյալը՝ Հայաստանի Հանրապետության հետ շանտաժի լեզվով խոսել չի կարելի, սա պետություն է և այս պետության հետ շանտաժի լեզվով ոչ ոք խոսել չի կարող՝ ո՛չ հանրապետության ներսում և ո՛չ էլ դրսում: Ոչ միայն չի ընդունվելու, այլ ամենախիստ ձևով պատժվելու է, մեզ համար տարբերություն չկա, որ մեր երկրի պետականության իրավունքը խախտում է ադրբեջանցին, թե տեղացին, եթե որևէ մեկը պետականությանը դեմ է, ուրեմն ժողովրդին դեմ է»:
«Ի՞նչ է նշանակում մինչև Վարդավառ բացեք գնանք, նշանակում է անիշխանականություն»,- ասաց մարզպետը:
Մարզպետարանում ակցիա իրականացնողները ասացին, թե դա նշանակում է, որ երեխայի համար են մտածում:
«Ո՛չ, երեխայի մասին չէ: Այն բեռը, որ էնտեղից վերցնում ես, երեք հոգու կաշառք ես տալիս ու հիմա իր շահերն ես պաշտպանում, եթե ուզում ես անօրինական բեռ տանես, քո երեխաների մասի՞ն ես մտածում, 200 աշխատատեղ կա, որի մասին երկու օր է՝ հայտարարում եմ, ու մի դիմում չեմ ստացել: Եթե որևէ մեկն ունենա աշխատանքի խնդիր, մինչև այս մեկը դիմում կգրեր»,- ասաց Չոբանյանը:
Ինչ վերաբերում է ձերբակալվածներին, մարզպետը նշեց, որ այդ հարցը գտնվում է իրավապահների ուսումնասիրության ներքո, և որևէ մեկը դրան միջամտելու իրավունք չունի:
«Անմեղ են, թե մեղավոր են, կորոշի ՀՀ օրենսդրությունը: Մեկ տարի առաջ հեղափոխություն ենք արել հանուն արդարության, հանուն պետականության, և թույլ չենք տա՝ որևէ մեկը հեղաշրջում անի պետականության դեմ»,- եզրափակեց Չոբանյանը:
1
2
3
4
5
1
2
3
4
5
5
