«Բարի Սամարացի» ընկերության հիմնադիր տնօրեն Հովհաննես Հովակիմյանը՝ «Երկրի համով դեմք»
Հասարակություն«Բարի Սամարացի» ընկերության բոլոր աշխատակիցները լավ գիտեն, որ հայ սպառողը մսամթերքի ընտրության հարցում լայն ընտրության հնարավորություն ունի: Դա է պատճառը, որ ընկերության տնօրինությունը չի բավարարվում եղածով, և ամեն ինչ անում է, որպեսզի սպառողին մշտապես թարմ, տեղական մսից պատրաստված մսամթերք մատակարարի, ինչը չի վրիպում նաև սպառողի աչքից:
Ավելի քան 25 տարի գործունեություն ծավալելով մսամթերքի արտադրության ոլորտում, ընկերությունը բազմիցս ապացուցել է, որ առաջնորդվում է սպառողի շահերով և ամեն ինչ անում է, որպեսզի սեփական արտադրանքն իր որակով շահեկանորեն տարբերվի շուկայում առկա մյուս ընկերություների արտադրանքից:
Բարի անունն ու առաջատարի դիրքը պահպանելը «Բարի Սամարացի» ընկերության համար օրվա հրամայական է, որով առաջնորդվում են արդեն երկար տարիներ: Դրա շնորհիվ կարողանում են նաև մշտապես անգերազանցելի մնալ ոչ միայն տեղական շուկայում, այլև առաջատար դիրք գրավել ԵԱՏՄ և միջազգային այլ շուկաներում:
Ժամանակակից տեխնոլոգիաների կիրառումն է՛լ ավելի է բարձրացնում արտադրանի որակը, ինչի շնորհիվ սպառողները թեև ունեն ընտրության լայն հնարավորություն, սակայն նախապատվությունը տալիս են հենց այս ընկերության կողմից արտադրած մսամթերքին:
Ամփոփելով սոցիալական ցանցերում իրականացված հերթական հարցումների արդյունքները «Երկրի համով դեմք» անվանակարգում «Բարի Սամարացի» ընկերության հիմնադիր տնօրեն Հովհաննես Հովակիմյանին շնորհվել է «Երկրի համով դեմք» մրցանակը:
«Ես շնորհակալություն եմ հայտնում ազգաբնակչությանը, որ արժանացել եմ «Երկրի համով դեմք» մրցանակին: Բոլոր սպառողներին խոստանում եմ, այսուհետ ևս ամեն ինչ անել պահպանելու համար այս մրցանակի ողջ էությունը: Ես շնորհակալ եմ նաև Աստծուն, որ ինձ նման պարգևի արժանացրեց: Այն ոչ միայն պարտավորեցնող է, այլև մեծ պատասխանատվություն է մեզ համար: Մենք պետք է մշտապես հնարավոր բոլոր ջանքերը գործադրենք, հետագայում ևս այս պատվավոր կոչմանը հավատարիմ մնալու, մեր ասպաողներին անվտանգ և առողջ մսամթերք մատուցելու համար»,- ասաց «Բարի Սամարացի» ընկերության հիմնադիր տնօրեն Հովհաննես Հովակիմյանը:
Ընկերությունում բարձրորակ արտադրություն կազմակերպելու բոլոր ջանքերն ուղղված են արտադրանքի գերազանց որակի ապահովմանը: Ուշադրության կենտրոնում է նաև տեղական արտադրության թարմ և որակյալ մսից պատրաստված սննդամթերքի անվտանգության պահպանումն ու ապահովումը, որպեսզի սպառողին մատուցվող մսամթերքը՝ արտադրությունից մինչև պատառաքաղ լինի ոչ միայն որակյալ, այլև սննդարար ու օգտակար:
Նշենք նաև, որ «Բարի Սամարացի» ընկերությունը բազմիցս է նման բարձր գնահատականի արժանացել «Սպառողների ազգային ասոցիացիայի» և այլ ընկերությունների կողմից, արժանանալով բազմաթիվ պարգևների ու շքանշանների: Այս անգամ դրանք ավելացան ևս մեկով, ինչը խոսում է ընկերության պահանջված լինելու մասին:
ՌԴ տեխնիկական կարգավորման և ստանդարտացման խորհրդի նախագահ Անդրեյ Լոցմանովը, երկար տարիներ մոտիկից ծանոթ լինելով ընկերության արտադրանքի վերահսկման ողջ շղթային, նշեց, որ «Բարի Սամարացի» ապրանքանիշի մսամթերքը մշտապես առանձնանում է իր բարձր որակով: Այդ է պատճառը, որ ամեն տարի պարգևատրվում է որակի վերահսկման և գնահատման ընկերությունների կողմից սահմանված տարբեր մրցանակներով:
««Բարի Սամարացի» ընկերությունում արդյունավետ համակարգ է գործում, որի արդյունքում արտադրանքի կայուն որակ է ապահովվում: Ընկերության արտադրանքը շատ համեղ է, իմ ընտանիքը հիմնականում այս ապրանքանիշի մսամթերքից է օգտվում, քանի որ այն շատ են սիրում»,- ասաց Ա. Լոցմանովը:
Տնտեսական գիտությունների դոկտոր Վիկտոր Բելոբրագինն անդրադառնալով արտադրության կազմակերպմանը, նշեց, որ արտադրական շղթայում կիրառվում են բարձր տեխնոլոգիաներ, որի արդյունքում հնարավոր է դառնում նման որակ ունեցող ատադրանք վաճառել շուկայում:
««Բարի Սամարացի» ընկերության գործարանն աշխատում է ժամանակակից պահանջներին համապատասխան: Եվ, բնական է, որ նման ճիշտ, գրագետ և գործնական մոտեցման պարագայում լավ ապագան ևս երաշխավորված կլինի»,- ասաց Վ. Բելոբրագինը:
Որակի վերահսկման համառուսական կազմակերպության ղեկավար Գենադի Վորոնինը, ով ևս երկար տարիներ ծանոթ է ընկերության արտադրանքին, նշեց, որ տարիները ցույց են տվել, որ «Բարի Սամարացի» ընկերության հիմնադիրների համար սպառողին մշտապես հավատտարիմ լինելը և բարձր որակ ունեցող մսանթերք մատակարարելը եղել և շարունակում է մնալ ընկերության հիմնադիր տնօրենի ու ողջ անձնակազմի կյանքի իմաստը, ինչն էլ տարեցտարի իր պտուղներն է տալիս և ընդլայնում սպառման աշխարհագրությունը:
1
2
3
4
5
1
2
3
4
5
2
3
