Պորտուգալիայի հավաքականը մեծ սպասելիքներ ունի Եվրո-2019-ից
Ֆուտբոլի Պորտուգալիայի ընտրանու գլխավոր մարզիչ Հելիո Սոուսայի կարծիքով իրենց հետ նույն A խմբում ուժեղ թիմեր են հավաքվել:
«Եվրոպայի առաջնության A խմբում հավաքվել են բավականին ուժեղ թիմեր: Թե Իսպանիան և թե Իտալիան ամեն ինչ անելու են խմբից դուրս գալու համար: Հայաստանը ևս առավելություն ունի, քանի որ խաղում է տանը: Մենք էլ մեր հերթին ամեն գնով փորձելու ենք անցնել հաջորդ փուլ:»,- լրագրողների հետ զրույցում ասել է Սոուսան:
Պորտոգալացի մասնագետի խոսքով նրանք ոչ մի վնասվածք ստացած ֆուտբոլիստ չունեն և Իտալիայի դեմ խաղին պատրաստվել են այնպես, ինչպես մրցաշարի մյուս խաղերին:
Եվրոպայի 2019 թվականի մինչև 19 տարեկանների առաջնությունն այս տարի կանցկացվի Հայաստանում: Հանդիպումները կկայանան «Հանրապետական», «Բանանց», ՀՖՖ տեխնիկական կենտրոնի մարզադաշտերում:
8 թիմերը բաժանված են երկու ենթախմբերի` A, B: A խմբում Հայաստանի ընտրանու հետ ընդգրկված են նաև Իսպանիայի, Իտալիայի և Պորտուգալիայի հավաքականները: B խմբում կմրցեն Նորվեգիայի, Իռլանդիայի, Չեխիայի և Ֆրանսիայի ընտրանիները:
Բացման հանդիսավոր արարողությունը և առաջին խաղը կկայանան հուլիսի 14-ին «Հանրապետական» մարզադաշտում, որտեղ ուժերը կչափեն Հայաստանի և Իսպանիայի թիմերը: Հանդիպումը կմեկնարկի 18:45-ին:
Եվրո-2019-ի տոմսերն արդեն վաճառքում են և արժեն 200-500 դրամ:
1
2
3
4
5
1
2
3
4
5
3
4
