Սկսեց աշունը` կթեժանա, թե՞ ոչ

Ռոբերտ Մելքոնյանը ֆեյսբուքյան իր էջում գրում է .

Գարունն անցավ առանց թեժանալու` բացառությամբ սեֆիլյանականների բլթոցների: Բառացիորեն թեժ ամառվա որոշ թեժացումներին վերջակետ դրվեց ուրբաթ օրը` հին տոմարով ամառվա վերջին օրը: Սկսեց աշունը` կթեժանա, թե՞ ոչ… Իմ կարծիքով թեժացնողներ չկան ու այդ կրակն արդեն չի ջերմացնում և այդ <<թեժ>> կրակների ջերմությանն արդեն հավատացողներ չկան: Միևնույն ժամանակ` համաձայն եմ, որ երկրում կադրային, կառավարման, իրավական ոլորտում լուրջ, արմատական վերակառուցումներ ու փոփոխություններ են պետք և դա անհետաձգելի խնդիր է:
Քաղաքացիական շարժման այդ ջահելները, նրանց շուրջը վազվզողները, ոտքի կանգնող, նստող, պառկողները, որոնք նախորդ ցույցերից զգացին հասարակական ճանաչման <<համն ու հոտը>>` ոգևորվեցին, որոշեցին էլի ակտիվանալ, էլի փակել Բաղրամյանը:

Սակայն, եթե նրանք չեն կարողանում հասկանալ հասարակական պահանջի ակտիվացման պահը, ընկալել ստեղծված իրավիճակը, կատարել խելամիտ հաշվարկներ, կազմակերպել լուրջ, մարդաշատ հանրահավաքներ, ու մի քանի <<զիլինա-զիլինա>> խաղացողներով փորձում են Բաղրամյանը փակել, ապա նրանք այլևս անելու ոչինչ չունեն…
Դրանք այն ուժը չեն, այն անձինք, որոնց հետևից կգնա ժողովուրդը…Նրանց նախորդ ցույցի տրոհումից, մանկա-պատանեկան պահելաձևից, իրար վրա ցեխ շպրտելուց, վարկաբեկելուց հետո նրանք կորցրել են ժողովրդի, ՀՀ քաղաքացիների վստահության քվեն ու հավատը:

Իսկ վերջին հավաքի, երթի նրանց ակումբային խմբաքանակին բնականաբար ճիշտ էր, որ ոստիկանությունը ցրեց կամ ուղղակի ճանապարհեց <<ցույցացրապարով>>…Եվ փաստորեն նրանց ոչինչ չէր մնում անել, քան թուլանալ ու հաճույք ստանալ…
Խաբվեցիք ու կերա՞ք որոշ ֆեյսբուքահայերի կտերը ձեր նշանակության ու դերի վերաբերյալ: Մոռացա՞ք, որ ֆեյսբուքահայության գերակշռող մասը, որն ակտիվ շախ էր տալիս, գովերգում ձեզ ու խոստանում մասնակցել` նման են նրանց, որոնք փորձում են ապահովիչով հղիացնել կամ հակագազով վարդից հոտ քաշել…
Ինչևէ, դուք արդեն լիիրավ կարող եք լրացնել մեր հայրենի քաղաքական-հասարակական գործիչների <<փառապանծ>> շարքերը և հավանաբար կկպնեք <<Ոչ>>-ի հետույքին…
Բարի երթ…