Հայ գիտնականը՝ գիտական նոր ուղղության հիմնադիր
Համաշխարհային ճանաչում ունեցող գիտնականների, դասախոսների և մասնագետների միջազգային ասոցիացիա՝ Ռուսաստանի բնագիտության ակադեմիան վերջերս Գ.Վ.Պլեխանովի անվան Ռուսաստանի տնտեսագիտական համալսարանի Երևանի մասնաճյուղի դոցենտ, տնտեսագիտական գիտությունների թեկնածու՝ Գևորգ Կարակոզովին շնորհեց «Նոր գիտական ուղղության հիմնադրի» կոչում: Ուղղության անվանումն է՝ «Միասանական տեղեկատվական մոդելում համընդհանուր ռեսուրսային ներուժի ինտեգրման միջոցով ձեռնարկության կառավարման հայեցակարգ»։
Անկասկած, սա նշանակալի իրադարձություն է ոչ միայն Գ․Վ․Պլեխանովի անվան Ռուսաստանի տնտեսագիտական համալսարանի Երևանի մասնաճյուղի, այլև հայրենական գիտության կյանքում, ինչի կապակցությամբ մենք հանդիպեցինք անվանի գիտնականին։
- Պարոն Կարակոզով, նախ ընդունեք մեր ջերմ շնորհավորանքները «Նոր գիտական ուղղության հիմնադրի» պատվավոր կոչմանը արժանանալու առիթով։ Կխնդրեի մի փոքր մանրամասնեք, ինչի մասին է խոսքը։
- Շնորհակալություն շնորհավորանքների համար: Եթե հակիրճ լինեմ, ապա կասեմ հետևյալը. իմ կողմից մշակած տեղեկատվական մոդելը թույլ է տալիս ձեռնարկությունների մտավոր, ֆինանսական, տեխնոլոգիական և մարդկային հնարավորությունները դիտարկել համապարփակ (ինտեգրանցված)՝ մեկ միասնական համակարգում: Այս մոտեցումը հնարավորություն է ընձեռում ռեսուրսային ներուժը ֆինանսական արդյունքի փոխակերպման գործընթացը զգալիորեն օպտիմալացնել և կտրուկ բարձրացնել կառավարման արդյունավետության մակարդակը։ Մշակված մոդելի կիրառմամբ կարող ենք ստանալ ձեռնարկության ընթացիկ վիճակի համալիր և օբյեկտիվ գնահատականը, հաշվարկել ռիսկերը և կանխատեսել զարգացման հեռանկարը: Այն իր մեջ ներառում է նաև հնարավությունների հետագա վերլուծությունը։ Քանի որ այս գիտամեթոդական մշակումն, ըստ էության, տնտեսագիտության ոլորտում նորարարություն է, ուստի վերոնշյալ ակադեմիայի փորձագիտական հանձնաժողովն ինձ արժանացրեց այդ կոչմանը։
Մենք տեղեկացանք նաև, որ այդ նույն ակադեմիան անցած տարի Գևորգ Կարակոզովին շնորհել էր Ակադեմիայի պրոֆեսորի պատվավոր կոչում, ուստի հարկ համարեցինք խնդրել հարգարժան գիտնականին թվարկելու իր գիտական նվաճումներն ամրագրող բոլոր պարգևներն ու փաստաթղթերը։
Եվ այսպես Գ.Վ.Պլեխանովի անվան Ռուսաստանի տնտեսագիտական համալսարանի Երևանի մասնաճյուղի դոցենտ, տ.գ.թ. Գևորգ Կարակոզովին շնորհվել է.
- Ակադեմիայի «Գիտական ուղղության հիմնադիր» կրծքանշան,
- Ակադեմիայի «Նոր գիտական ուղղությունների ռեեստր»-ում գիտական ուղղության գրանցման վկայագիր,
- «Նոր գիտական ուղղության հիմնադիր» կոչման վկայական,
- Եվրոպական գիտա-արդյունաբերական կոնսորցիումի դիպլոմ՝ ակտիվ հետազոտական աշխատանքների և գիտության զարգացման գործում ունեցած նշանակալի ավանդի համար,
- Եվրոպական գիտա-արդյունաբերական կոնսորցիումի Ադամ Սմիթի անվան հատուկ ոսկե մեդալ։
Եվս մեկ անգամ շնորհավորելով հարգարժան պրոֆեսորին թվարկած մրցանակների համար, մեր ընթերցողներին հաճույքով տեղեկացնում ենք նաև, որ «Նոր գիտական ուղղությունների ռեեստր, 2018 թվական» տպագիր հրատարակության էջերում կարող ենք հանդիպել նաև մեր տաղանդաշատ հայրենակցի՝ Գևորգ Կարակոզովի անունը:
1
2
3
4
5
1
2
3
4
5
3
