Քոչարյանի պաշտպանները միջնորդել են հարցաքննել Գագիկ Հարությունյանին. մեղադրող կողմը ներկայացրել է 800 վկաների ցուցակ
ՀասարակությունՄարտի 1-ի գործով մեղադրող կողմը դատակոչել է ավելի քան 800 հոգուց բաղկացած ցուցակ, այս անձինք հանդես կգան որպես վկա։ Այս մասին այսօր՝ մայիսի 13-ին, լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպանական խմբի անդամ Հայկ Ալումյանը։
Պաշտպանի փոխանցմամբ՝ Լեւոն Տեր–Պետրոսյանը եւ Սերժ Սարգսյանը պաշտպանական կողմի ներկայացրած դատակոչման ենթակա անձանց ցուցակում ներառված չեն, սակայն ներկայացված են մեղադրող կողմի ցուցակում։
Ալումյանը, պատասխանելով հարցին, թե ինչու են դատակոչել ՍԴ դատավորներին, ասաց. «Պարոն Քոչարյանի մեղադրանքի մեջ, ի թիվս այլի, կա դրույթ, որ այդ ժամանակ ճնշում է եղել Սահմանադրական դատարանի դատավորի նկատմամբ: Ընդ որում, չի մասնավորեցվում՝ ինչպե՞ս է եղել ճնշումը, ո՞ր դատավորի նկատմամբ, և ՍԴ բոլոր դատավորներից անհասկանալի սկզբունքով ընտրվել է երկու դատավոր, երկուսն էլ հերքել են իրենց նկատմամբ ճնշումը։ Մենք միջնորդել ենք և դատարանում պատրաստվում ենք պնդել, որ պետք է հրավիրվեն ՍԴ մյուս դատավորները, որ հասկանանք՝ ի՞նչ ճնշումներ են եղել և ինչպե՞ս են դրանք արտահայտվել»։
Լրագրողները հետաքրքրվեցին՝ ՀՀ վարչապետ Նիկոլ Փաշինյանը կա՞ մեղադրող կամ պաշտպանող կողմի ցուցակում, որին ի պատասխան պաշտպանը բացասական պատասխան տվեց, սակայն չբացառաեց, որ հրավիրեն նաև նրան։ «Ցուցակում նա առայժմ չկա, եթե որոշենք, որ ինչ–որ տվյալներ կա, որ ցանկանում ենք պարոն Փաշինյանից ստանալ դատարանում, կմիջնորդենք, որ ինքը ևս դատակոչվի»։
1
2
3
4
5
1
2
3
4
5
5
