Տավուշի սահմանապահ գյուղերի ուղղությամբ կրակահերթերի պատճառով վիրավորվել է 4 մարդ

Տավուշի մարզի գյուղերի ուղղությամբ ադրբեջանական կրակահերթերի պատճառով սեպտեմբերի 3-ին վիրավորվել է 3 քաղաքացիական անձ և մեկ զինվորական: «Արմենպրես»-ի այս տեղեկատվությունը հաստատեց ՀՀ պաշտպանության նախարարության մամուլի խոսնակ Արծրուն Հովհաննիսյանը` նշելով, որ զինվորականի կյանքին վտանգ չի սպառնում: «Քաղաքացիականների վիճակի մասին ոչինչ ասել չեÕ ´ կարող, մեր կողմից չի վերահսկվում, տարվել են հիվանդանոցներ: Զինվորականի վիճակը բավարար է, կյանքին վտանգ չի սպառնում: Հաջողվել է տեղափոխել Երևան»,-հայտնեց Արծրուն Հովհաննիսյանը:

Նրա խոսքով` ընդհանուր իրավիճակն այս պահին համեմատաբար հանգիստ է: «Երեկ լարվածությունը բարձր է եղել` չնայած նախորդ օրերի համեմատ մի փոքր ավելի ցածր: Կրկին կիրառվել են ակնանետեր, հրազենային տարբեր տրամաչափի զենքեր: Հայկական կողմի պատասխան կրակից հետո հակառակորդը լռել է»,-ասաց ՊՆ խոսնակը:

Տավուշի թեմի առաջնորդ Տեր Բագրատ եպիսկոպոս Գալստանյանն իր ֆեյսբուքյան էջում կեսգիշերն անց գրառում է կատարել` նշելով. «Երեկոյան մինչև կեսգիշեր, ինտենսիվ՝ գրեթե ողջ սահմանի երկայնքով, տարբեր տրամաչափի կրակահերթերից հետո այս պահին ընդհանուր խաղաղություն է տիրում մեր սահմանպահ գյուղերում: Մեր զինվորները, հրամանատարական անձնակազմը վերահսկում են իրավիճակը բարձ ոգով: Այս ու նաև մեր բոլոր լրատվամիջոցներին, մեծ ու փոքր կայքերին խնդրում եմ անիմաստ, տագնապալի ու չստուգված լուրեր չտարածել: Աղոթենք մեր զինվորների ապահովության և մեր սահման ապահ ժողովրդի խաղաղության համար»: