Ընտանիքում բռնության ենթարկված անձանց վիճակագրության հաշվառման համակարգը դեռ կայացած չէ. Բաթոյան
ՀասարակությունԸնտանիքում բռնության ենթարկված անձանց վիճակագրության խնդիր կա Հայաստանում, որովհետեւ կենտրոնացված հաշվառման համակարգը դեռ կայացած չէ: Այս մասին, այսօր՝ մայիսի 6-ին, պաշտոնավարման 100 օրն ամփոփող մամուլի ասուլիսի ժամանակ նշեց Աշխատանքի եւ սոցիալական հարցերի նախարար Զարուհի Բաթոյանը:
Նրա խոսքով, կառավարության նախարարական կոմիտեի ժամանակ այդ հարցը քննարկվել է. «Հաշվառման կենտրոնացված համակարգը թույլ է տալու կենտրոնացված հաշվառում իրականացնել եւ տարբեր գերատեսչություններից հավաքագրել տեղեկատվությունը մեր նախարարության ներքո: Կիսամյակը մեկ կհրապարակենք տվյալները: Մենք ունենք վիճակագրություն, որը մեզ տրամադրել են գործընկեր կազմակերպությունները, բայց չենք կարող ասել, որ այն վերջնական է։
Միաժամանակ փորձը ցույց է տալիս, որ ընտանեկան բռնության դեպքերը հաճախ կարող են լինել սոցիալապես անապահով ընտանիքներում խոցելի խմբերում, բայց դա չի նշանակում, որ մենք խոսում ենք միայն այդ ընտանիքների մասին: Այս բռնությունն այնպիսի երեւույթ է, որ չի ճանաչում ոչ սոցիալական դիրք, ոչ պաշտոն, ոչ այլ հանգամանքներ»,-ասաց նախարարը:
1
2
3
4
5
1
2
3
4
5
5
