Շտապ օգնության բժիշկները իրենց աշխատանքի ընթացքում բախվում են մեծ քանակության սթրեսների և ճգնաժամային իրավիճակների հետ: Սակայն նրանց առաքելությունը կյանք փրկելն է, և դա նրանք անում են ամեն օր, նույնիսկ օրական մի քանի անգամ:
Հիվանդին բուժելու համար հարկ է լինում կատարել հետազոտություն, անալիզներ վերցնել: Սակայն երբեմն լինում են դեպքեր, երբ հնարավոր չի լինում պարզել հիվանդության պատճառը, որքան ջանք էլ, որ թափվի:
Այս երիտասարդ կնոջ պատմությունը այդպիսի պատմություններից է: Նա տառապում էր վերջին ստադիայի քաղցկեղով: Սակայն այն ինչ կատարվում էր նրա հետ սարսափ կամ ֆանտաստիկ ֆիլմ է հիշեցնում: Շատ փորձառու բժիշկներ այդպես էլ չկարողացան բացատրել, թե ինչպես կարող էր նման բան տեղի ունենալ: Նա 31 տարեկան էր, երբ տեղափոխեցին շտապ օգնության հիվանդանոց, նրա վիճակը գնալով վատանում էր: Բուժքույրերից մեկը նկատեց նրա մաշկի արտասովոր գույնը և զգաց, որ արյունից ամոնիակի հոտ գալիս: Նա նաև նկատեց, որ կնոջ արյան մեջ տարօրինակ բյուրեղներ կան: Եվ հանկարծ բուժքույրերը սկսեցին հերթով ուշաթափվել: Նրանցից մեկը չուշաթափվեց, բայց զգաց, որ չի կարողանում կառավարել վերջույթները:
Այդ գիշեր հիվանդանոցի 23 աշխատակիցների մոտ վատացավ ինքնազգացողությունը և հարկ եղավ հիվանդանոցի անձնակազմը և հիվանդներին էվակուացնել: Հիվանդ կնոջը չկարողացան փրկել և նա մահացավ երիկամների անբավարարությունից: Հիվանդանոցում անձնակազմի և հիվանդների ինքնազգացողության վատացումը տարօրինակ էր և ստիպված եղան հրավիրել համաճարակաբանների՝ պարզելու համար պատճառը:
Պարզվեց, որ մահացած կինը որպես ցավզրկող տևական ժամանակ օգտագործել էր դիմեթիլսուլֆոքսիդ, դրանով էլ պայմանվորված էր նրա մաշկւի արտասովոր գույնը և արյան մեջ բյուրեղների առկայությունը: Պարզվում է, որ դիմեթիլսուլֆոքսիդը կնոջ օրգանզիմում վերածվել էր դիեթիլսուլֆատ թունավոր գազի, որն էլ արտազատվելով կնոջ մարմնից թունավորել էր հիվանդանոցի օդը:
1
2
3
4
5
1
2
3
4
5
1
4
5
