Մեղրու բնակիչների առողջության հաշվին նոր հանք կբացեն

Ռուզան Կարապետյանը ֆեյսբուքյան իր էջում գրում է.

Սյունիքի մարզի տարբեր բնակավայրերում գրեթե ամեն տարի ՀՀ կառավարությունը մի շարք ընկերությունների հանք շահագործելու թույլտվություն է տալիս: Եղածը քիչ համարելով` կառավարությունը կրկին անգամ Սյունքի բնակիչների առողջության և շրջակա միջավայրի հաշվին պատրաստվում է ևս մեկ հանք շահագործելու իրավունք տալ:

Շրջանառվող տեղեկությունների համաձայն` Լիճք գյուղի տարածքում էլ պետք է շահագործվի պղնձամոլիպդենաին ևս մեկ հանք:Ըստ syuniqonline.am-ի տարածած տեղեկության՝ ՀՀ բնապահպանության նախարարության կայքում տեղադրված ծանուցման համաձայն, 2015թ. օգոստոսի 14-ին, ժամը 13.00-ին ՀՀ Սյունիքի մարզի Լիճքի գյուղապետարանում տեղի ունեցավ «Թաթսթոուն» ՍՊ ընկերության կողմից ներկայացված ՀՀ Սյունիքի մարզի Լիճքի պղնձի հանքավայրի նախագծի նախնական գնահատման հայտի շրջակա միջավայրի վրա ազդեցության հանրային քննարկումը:Քննարկմանը մասնակցում էին համայնքի փոքրաթիվ բնակիչներ, ովքեր անխտիր դեմ արտահայտվեցին հանքավայրի շահագործմանը:

Հիշեցնենմ որ,պղնձի հանքավայրը, որը նախատեսում են շահագործել, գտնվում է «Արևիկ» ազգային պարկի անմիջական հարևանությամբ՝ 780 մետր հեռավորության վրա: Նախատեսվում է հանքավայրի շահագործումն իրականացնել հորատապայթեցման աշխատանքներով՝ բաց եղանակով: Ըստ Էկոլուրի՝ հանքավայրը շահագործվելու է 2 փուլով: Բաց հանքի վերջնական եզրագծերով խախտվելու է 40 հա տարածք:

Բաց հանքի տարեկան արտադրողականությունը, ըստ արդյունահանվող հանքաքարի, կազմելու է 1 միլիոն տոննա: Բաց հանքը գործելու է շուրջ 40 տարի:Ավելացնեմ նաև, որ այս հանքավայրի տարածքը գտնվում է Մեղրի քաղաքի և այլ բնակավայրերի խմելու ջրամատակարարման ջրաբաշխիչ համակարգի սանիտարական գոտում, և դրա շահագործումը կարող է շատ լուրջ ազդեցություն թողնել Մեղրի գետի ջրի և խմելու ջրամատակարարման համակարգի վրա:

Ընդամենը երկու տարի առաջ՝ հանքարդյունահանողները,խաբելով գյուղացիներին,կոպիտ ասած նրանցից կորզել են ստորագրություններ,ասելով որ դա ստորագրում են իրենց ներկայության համար,այն ինչ դա որոշ ժամանակ հետո դարձավ որպես համաձայնության փաստաթղթեր:Որտե՞ղ է հասել ձեր ստորության աստիճանը։

http://www.armecofront.net/-ի հետ հարցազրույցներից մեկում <<Կանաչների միության նախագահ>> Հակոբ Սանասարյանը ասել է,որ Սյունիքի մարզում դեռ երեսունչորս ոսկու և մոլիպդենի նոր հանքեր պետք է շահագործվեն:Ուղղակի ուզում եմ հասկանալ,թէ մեր կառավարությունը ինչով է մտածում։Ինքս դեմ եմ նման հանքի շահագործմանը և կոչ եմ անում բոլոր մեղրեցիներն՝միանալ և միասին պայքարենք հանուն մեր առողջության,հանուն մեր ծննդավայրի:Ովքեր եղել են Լիճք գյուղում,կարող են հաստատել,թէ ինչ հրաշք բնություն ունի,թէ ինչ սառնորակ և համեղ ջուր ունի:Եկեք՛ չթողնենք,որ մի քանի անկուշտների պատճառով մեր կանաչապատ տարածքները վերածվեն թունավոր և անշուք տարածքների: Հուսանք, որ Լիճքի և հարակից գյուղերի բնակիչները միահամուռ կերպով թույլ չեն տա, որպեսզի իրենց առողջության հաշվին որոշ մարդիկ միլիոններ կուտակեն:

Հ.Գ. ԱՅՍԱՔԱՆ էլ դեռ կարծես քիչ համարելով՝հանքարդյունահանողները իրենց սոորության համաձայն խաբում են միամիտ գյուղացիներին և Լիճք գյուղի մթերքի խանութից սնունդ վերցնելով՝խոստանում են գումարը որոշ ժամանակ հետո վերադարձնել,սակայն այդպես էլ անհետանում են,և խանութին պարտք մնալով երկու հարյուր ութանասւն հազար դրամ: Ուղղակի ցավալի է:

Որտե՞ղ ենք հասել և վերջապես որտե՞ղ ենք մենք ապրում՝ Ազատ անկաղ հայաստանու՞մ,թէ՞ ազատ թալանի երկրում։
նկարի հեղինակ`Կարինե Փանոսյան