Աբովյան քաղաքում 18-ամյա ընտրողին պարգևատրեցին «Ես քվեարկել եմ առաջին անգամ» կրծքանշանով (լուսանկար)
Հասարակություն
Աբովյան քաղաքի բնակիչ Նարեկ Ավետիսյանն առաջին անգամ էր մասնակցում համապետական ընտրություններին: Թիվ 29/13 ընտրատեղամասի հանձնաժողովի անդամները մեծ ոգևորությամբ դիմավորեցին 18-ամյա Նարեկին, երբ իմացան, որ առաջին անգամ է քվեարկում: Նրա համար փոքրիկ միջոցառում էր նախատեսված` պարգևատրվեց կրծքանշանով, որի վրա գրված էր. «Ես քվեարկել եմ առաջին անգամ»:
Tert.am-ի հետ զրույցում Նարեկ Ավետիսյանը նշեց, որ առանձնապես ոգևորվածությամբ չի մասնակցություն ընտրություններին, ուղղակի չափահաս է դարձել և եկել է քաղաքացիական պարտքը կատարելու: Նա ասաց, որ կողմնորոշված է եկել, թե որ ուժի օգտին է քվեարկելու, և ծնողները այդ հարցում չեն օգնել: «Ես սեփական կողմնորոշմամբ եմ եկել, արդեն չափահաս եմ, չէ՞»,-ասաց նա:
Հանձնաժողովի նախագահն ասաց, որ նախատեսում են բոլոր առաջին անգամ քվեարկողներին նման կրծքանշաններով պարգևատրել:
1
2
3
4
5
1
2
3
4
5
5
