Փոխառություններ, դրամական միջոցներ ու «LEXUS GX 460». Էրեբունի վարչական շրջանի ղեկավարի ունեցվածքը
ՀասարակությունԵրևանի Էրեբունի վարչական շրջանի նորանշանակ ղեկավար Սուրեն Աբրահամյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. պաշտոնը ստանձնելու հայտարարագիրը: Հանձնաժողովի պաշտոնական կայքից տեղեկանում ենք, որ նա հայտարարագրել է 2 բնակարան և հողամաս:
Ներկայացված փաստաթղթից տեղեկանում ենք նաև, որ Ա. Աբրահամյանը հայտարարագրել է նաև «LEXUS GX 460» մակնիշի ավտոմեքենա:
Պաշտոնը ստանձնելու օրվա դրությամբ պաշտոնատար անձի հանձնած փոխառությունները կազմել են 20000 ԱՄՆ դոլար, 200 եվրո և 60000 ՀՀ դրամ:
Իսկ դրամական միջոցները պաշտոնը ստանձնելու օրվա դրությամբ կազմել են 10 000 000 ՀՀ դրամ, 30 000 ԱՄՆ դոլար, 20 000 եվրո: 2018թ. հունվարի 1–ից մինչև պաշտոնական պարտականությունները ստանձնելու օրը ստացված եկամուտների հանրագումարը կազմել է 1 436 000 ՀՀ դրամ: 996 000 ՀՀ դրամը և 390 000 ՀՀ դրամ եկամուտները նա ստացել է աշխատավարձերից: Այլ եկամուտներ բաժնում էլ նշված է 50 000 ՀՀ դրամի մասին:
Նշենք, որ Ա. Աբրահամյանը 1997– 2008 թթ. աշխատել է ՀՀ ազգային անվտանգության ծառայությունում, իսկ 2008 –2018թթ. զբաղվել է ձեռնարկատիրական գործունեությամբ: 2018 թ. հունիսին աշխատել է ՀՀ ազգային անվտանգության ծառայությունում, իսկ արդեն հոկտեմբերի 22–ին նշանակվել Էրեբունի վարչական շրջանի ղեկավար:
1
2
3
4
5
5
4
