Եմենի Ադեն քաղաքում թեժ բախումներ են
Միջազգային
Եմենում մայիսի 15-ի գիշերը թեժ բախումներ են ընթացել Ադեն քաղաքում: Դրանք առավել թեժ են եղել Դար Սաադ շրջանում: Ինչպես հաղորդում են արաբական լրատվամիջոցները, շիա ապստամբները՝ հոուսիները, սկսել են նահանջել Սաուդյան Արաբիայի սահմանի մոտ գտնվող Սաադ ա շրջանից: Նահանգը գտնվում է սաուդական Ջիզան նահանգի հարևանությամբ:
«Վճռականության փոթորիկ» գործողությունների սկսվելուց հետո սահմանային շրջաններում իրավիճակը սկսել էր ապակայունանալ: Շիա ապտամբները հաճախակի ռմբակոծում են սաուդական սահմանին մոտ գտնվող դիրքերը և բանակի ստորաբաժանումները: Սաուդական կողմը պատասխանում է հրետանային ու օդային ռմբակոծություններով:
Մայիսի 23-ի երեկոյան հինգօրյա ժամկետով Եմենում ուժի մեջ է մտել զինադադար, որպեսզի հնարավոր լինի օգնություն տրամադրել կարիքվոր բնակիչներին:
Իրանական մարդասիրական օգնությամբ բեռնանավն արդեն հասել է Ալ Հադիդա քաղաքի նավահանգիստ:
Սաուդյան Արաբիայի գլխավորությած «Վճռականության փոթորիկ» գործողություններն սկսվել են մարտի 26-ի գիշերվանից: Սաուդյան Արաբիային աջակցում են Բահրեյնը, Քատարը, Քուվեյթը և ԱՄԷ-ն: Դաշինքն ապրիլի 21-ին հայտարարել էր գործողությունների ավարտի և միաժամանակ նոր գործողություններ սկսելու մասին, որը կրում են «Հույսի վերականգնում» անվանումը:
1
2
3
4
5
1
2
3
4
5
3
