Խորեն Հովհաննիսյան. Ինչո՞ւ պարտվեցինք Ջիբրալթարին. Մխիթարյանին հարցրե՛ք

Լեգենդար ֆուտբոլիստ Խորեն Հովհաննիսյանը ծավալուն հարցազրույց է տվել Матч ТВ-ին, որի ընթացքում անդրադարձել է նաև Հայաստանի ազգային հավաքականի և թիմի ավագ, «Արսենալի» կիսապաշտպան Հենրիխ Մխիթարյանի ելույթներին.

- Հայկական ֆուտբոլը ճի՞շտ է զարգանում:

- Հիմա՞, թե՞ առհասարակ:

- Հիմա: Հույս կա՞, որ Հայաստանն այլևս չի պարտվի Ջիբրալթարին:

- Վերջերս նոր ղեկավարություն եկավ, տեսնենք: Դեռևս ինձ դուր չի գալիս, թե գործերն ինչպես են ընթանում: Ոչ մի փոփոխություն չկա: Ինչպես կար նախկինում, այնպես էլ մնացել է:

- Իսկ նախկին ղեկավարությունը դուր գալի՞ս էր:

- Բոլորովին ոչ:

- Ի՞նչ է նշանակում լինել 20-րդ դարի լավագույն հայ ֆուտբոլիստը: Փողոցով հանգի՞ստ եք քայլում:

- Հիմա այո: Հիմա փոքր-ինչ փոխվել է: Նախկինում հայերի 99 տոկոսը գիտեր «Արարատի» ֆուտբոլիստիներին: Հիմա շատերը միայն լսել են: Երիտասարդությունն իր կյանքն ունի, այլ հերոսներ:

- Ի դեպ, տեսե՞լ եք, թե Մխիթարյանն ինչպես խաղաց «Լիվերպուլի» հետ:

- Իսկ դու՞ք:

- Տեսել եմ:

- Եվ ի՞նչ կասեք:

- Ոչ այնքան լավ:

- Եթե ես նման բան ասեմ, ինձ ճիշտ չեն հասկանա: Ավելի լավ է`Դուք: Նրա մոտ չի ստացվում Անգլիայում: Բայց դեռ լավ ելույթներ կունենա, հավանաբար:

- Ինչպե՞ս կարելի էր պարտվել Ջիբրալթարին:

- (Ծիծաղում է) Մխիթարյանին պետք է հարցնեք: Դուք նրանց թիմը տեսա՞ք: Մենք ձեզ հետ դուրս գայինք խաղադաշտ, կհաղթեինք: Վերջին շրջանում մեր հավաքականը մի մարտավարություն ունի. արագ գոլ խփել: Ջիբրալթարին դժվար է արագ գոլ խփել, համաձայն եմ: Այդ իսկ պատճառով պետք է հետևություններ անեն, ունենան այլ պլան:

Հիմա Մակեդոնիային հաղթեցին: Ամեն ինչ լավ է, այո՞: Ոչ: Հաջորդ խաղին դաշտ դուրս կգան առանց հետևությունների:

- Չե՞ք հավատում Գյուլբուդաղյանցին:

- Ինձ ինչու՞ հավատալ: Կարևորը` ֆեդերացիան հավատա: