ԲՀԿ-ն եղել է և կմնա մրցունակ բոլոր առումներով

Լուսինե Մարկարյանը ֆեյսբուքյան իր էջում գրում է.

Գաղտնիք չէ, որ երկրում տիրում է քաղաքական ճգնաժամ և կարծես թե այս իրավիճակը երկար ժամանակ կշարունակվի, քանի որ երկիրը բաժանել են հեղափոխականների և հակահեղափոխականների: Հակահեղափոխականներ չկան այս երկրում՝ հատկապես քաղաքական ուժերի մեջ և անհիմն եմ համարում այն մեղադրանքները, որոնք հնչում են այս օրերին: Մի քանի որ առաջ տրված հարցազրույցում ԲՀԿ խմբակցության ղեկավար Գագիկ Ծառուկյանը շատ դիպուկ և հանգամանալից նշեց, որ իրենք ժողովրդի կեղքին են և միշտ են եղել: Սա իսկապես անհերքելի է, քանի որ տարիներ շարունակ տեսնում ենք այն ամենը ինչ նա անում է հանուն ժողովրդի բարեկեցիկ և դյուրին կյանքի համար: Սակայն սա ոչ բոլորն են տեսնում և գնահատում: Չի կարելի մոռանալ, որ Հայաստանը շուտով կդառնա ՏՏ ոլորտի առաջատար երկրներից մեկը մոլորակում՝ ի շնորհիվ Ծառոկյանի ու նրա կատարած ներդրումների և արտասահմանյան խոշոր գործարարների հետ համագործակցության: Կամ այն, որ նա հնարավորություն տվեց սիրիացիներին, իրենց բիզնեսը շարունակել Հայաստանում՝ դարձյալ նրա հովանավորության ներքո և ֆինանսական աջակցությամբ: Այս ամենը դեռ շատ չնչին մասն է նրա կատարած աշխատանքի, որն արվում է հանուն պետության զարգացման և հասարակության բարեկեցության: 
Ֆինանսական աջակցությունը չի սահմանափակվում, այլ անընդհատ կրկնվում և ավելի է մեծացնում իր մասշտաբները: Դրա վառ ապացույցը այն է, որ նա հերթական անգամ կանգնեց գյուղացիների կողքին և հանեց նրանց անելանելի իրավիճակից և իր ուսերին վեցրեց նրանց հոգսերը: Գաղտնիք չէ, որ այս օրերին խաղող արտադրողները կանգնած են փաստի առաջ՝ իրենց բերքի մթերման հետ կապված: Գագիկ Ծառուկյանը խաղողի գնման համար առաջարկեց շուկայականից ավելի բարձր գին՝ 150 դրամ, և դրանով իսկ ոգևորեց նրանց զբաղվել գյուղատնտեսությամբ և զարգացնել այն: Այսինքն նա խթանեց և ժողովրդին ոգևորեց ջանասիրաբար զբաղվել իր աշխատանքով: Ծառուկյանը կոնյակի գործարանում ունեցավ ֆինանսական կորուստներ, սակայն նա ունի որդեգրված քաղաքականություն՝ ամեն գնով կանգնել ժողովրդի կողքին և հանել դժվար կացությունից: Մեկ անգամ ևս փաստում եմ այն, որ Ծառուկյանը ամեն ինչ անում է ի շահ Հայաստանի և ի բարորություն բոլորի:
Այս ամենը տեսնելով չի կարելի քաղաքական թիմին համարել հակահեղափոխական, այն բանի համար, որ ԱԺ-ում կողմ է քվեարկել մի օրինագծի ընդումանը, որի բովանդակությունը սխալ մեկնաբանությամբ հասել է մեզ: Այն իրենից չի ենթադրում հակահեղափոխական երանգ, այլ արվում է զուտ նրա համար, որպեսզի արհեստական գործոնների առկայությամբ չխաթարվի ԱԺ աշխատանքները: Ուստի հորդորում եմ բոլորին, որպեսզի սթափ գնահատեք իրավրճակը և ցեխ չշպրտեք այն մարդկանց երեսին, ովքեր անդադար կանգնում են մեր կողքին ՝ արագ լուծում տալով ցանկացած խնդրի: Եղեք ավելի գիտակից և չարություն մի սերմանեք դիմացինի մեջ այս մարդու և նրա քաղաքական թիմի նկատմամբ: Քաղաքական թիմը միշտ եղել է կայուն և ունեցել է հստակ որդեգրած քաղաքականություն և դրանով էլ առաջնորդվելու է միշտ: Ոչ մի դեպքում չի հանձնվի և չի կոտրվի՝ ինչ է թե ոմանք ուզում են ծնկի բերել նրանց: Հայաստանում ԲՀԿ-ն եղել է և կմնա մրցունակ բոլոր առումներով: