Իրանի ԱԳՆ-ն մեկնաբանել է Սիրիայի տարածքում հասցրած հրթիռային հարվածը (տեսանյութ)
Միջազգային
Իրանի արտաքին քաղաքական գերատեսչության ներկայացուցիչ Բահրամ Ղասեմին մեկնաբանել է Սիրիայի տարածքում Եփրատ գետի արևելյան ափին ահաբեկիչների դիրքերին հասցված հրթիռային հարվածը՝ հայտարարելով, որ «Թեհրանը լուրջ պայքար է տանում ահաբեկչության դեմ»:
Ավելի վաղ հաղորդվել էր, որ իրանական զինուժը հրթիռային հարված է հասցրել Ահվազ քաղաքում զորահանդեսի ժամանակ տեղի ունեցած ահաբեկչության կազմակերպիչներին ու նրանց օբյեկտներին:
«Այս քայլը վկայում է այն մասին, որ Իրանը հաստատակամ է տարբեր մակարդակներում ահաբեկչական ուժերի դեմ լուրջ ու անդադար պայքար տանելու հարցում»,- Ղասեմիի խոսքը մեջբերել է ria.ru-ն:
Իրանական լրատվամիջոցների տեղեկություններով՝ հրթիռային հարվածը հասցրել է Իսլամական հեղափոխության պահապանների էլիտար կորպուսի օդատիեզերական դիվիզիան: Գործողության արդյունքում չեզոքացվել է ահաբեկիչների մեծ մասը, կան բազմաթիվ վիրավորներ:
Կատարվածից 2 օր անց Իրանում ձերբակալվել է 22 կասկածյալ:
Երկրի իշխանությունները հայտարարել են, որ ահաբեկչության հետևում կանգնած են «ԱՄՆ-ի կողմից կառավարվող պետությունները, ինչպես նաև Իսրայելը»:
1
2
3
4
5
1
2
3
4
5
3
4
5
