Ինդոնեզիայում երկրաշարժից հետո ավելի քան 100 կալանավոր փախել է բանտից
ՄիջազգայինԱվելի քան 100 կալանավոր փախուստի է դիմել Ինդոնեզիայի Կենտրոնական Սուլավեսի շրջանում գտնվող բանտից երկրաշարժից հետո, իրենց պնդմամբ, բնական աղետի հետևանքով վիրավոր բարեկամներին որոնելու գնալու թույլտվություն չստանալու պատճառով, գրում է Jakarta Post-ը:
Հաղորդվում է, որ 342 կալանավորներ այրել են բանտը այն բանից հետո, երբ բանտի ղեկավարը հավանության չի արժանացրել աղետից հետո ավիրված տեղանքում բնակվող իրենց բարեկամներին որոնելու համար դուրս գալու թույլտվությունը:
Բանտի ղեկավարի խոսքերով՝ Կենտրոնական Սուլավեսիի ոստիկանության 100 աշխատակից արդեն ուղարկվել է միջադեպի կարգավորման համար:
Հաղորդվում է նաև, որ բանտի տարածքում բռնկված հրդեհն ավիրել է հաստատության մեծ մասը և թույլ չի տալիս պահել այնտեղ մնացած կալանավորներին: Դեպքի վայրում այժմ աշխատում են հրշեջ ջոկատները:
Ավելի վաղ հաղորդվել է, որ Ինդոնեզիայի Պալու քաղաքում երկրաշարժի և դրան հետևած ցունամիի զոհերի թիվը հասել է 832-ի:
Ուրբաթ առավոտյան Սուլավեսի կղզու Պալու քաղաքի մոտակայքում տեղի է ունեցել 6,1 մագնիտուդ ուժգնությամբ երկրաշարժ:
Ավելի ուշ այդ շրջանում գրանցվել է 7,4 մագնիտուդ ուժգնությամբ ևս մեկ ցնցում և մի շարք հետցնցումներ: Այնուհետև հաղորդվել է, որ քաղաքում գրանցվել է մինչև երկու մետր բարձրության ցունամի:
1
2
3
4
5
1
2
5
3
5
