Zeitgesichte. Գերմանիան վերջապես դեմ է հանդես գալիս Ցեղասպանության մասին ստին
Header
Գերմանիայի նախագահ Յոահիմ Գաուկի կողմից՝ հայերի դեմ կատարված հանցագործության ճանաչումը շատ կարեւոր է երկար տարիների լռությունից հետո։ Այս մասին գերմանական պատմական Zeitgeschichte պարբերականում գրել է Ցյուրիխի համալսարանի պատմության պրոֆեսոր Հանս Լուկաս Քիզերը։
Նա հոդվածում, մասնավորապես գրել է.
«2015-ի հունվարին Հոլոքոստի հիշատակի օրը Իսրայելի նախագահ Ռեուվեն Ռիվլինը ՄԱԿ-ի լիագումար նստաշրջանում իր ելույթն սկսեց հայերի սպանությունների 100-րդ տարելիցի հիշատակմամբ։ Ապրիլին Գերմանիայի նախագահ Յոահիմ Գաուկն ավելի առաջ գնաց։ Նա այդ հանցագործությունը կոչեց իր անունով եւ հիշատակեց Մերձավոր Արեւելքում ու Միջագետքում քրիստոնյաների տանջանքների մասին։
Եվ նա դա արեց լուրջ պատճառով. Գերմանիան պետք է ընդլայնի իր պատմական հիշողության հորիզոնը։
Ժամանակին կայզերական Գերմանիայի քաղաքական ղեկավարությունը որոշել էր անտեսել հայերի ոչնչացումը եւ հրաժարվել օգնել նրանց։ Գերմանիայի պատասխանատվությունն սկսվում է նաեւ նրանից, որ նա պատերազմից առաջ ուշադրություն չի դարձրել երիտթուրքերի պլանների վրա։ Միաժամանակ, Գերմանիան սկսել է ռազմական ուժի եւ հրամանատարական օգնություն ցուցաբերել թուրք զինվորականներին՝ ռազմական գործողություններում։
1915-ի մարտին Կոնստանդնուպոլսի պաշտպանությունն նուղղակիորեն կախված էր գերմանական հրամանատարությունից եւ ռազմական փորձագետներից, բայց Գերմանիան ոչ մի կերպ չի միջամտել հայերի դեմ ծրագրվող հանցագործությանը։
Տասնամյակներ շարունակ Գերմանիայի քաղաքական գործիչներն ու դիվանագետները չէին խոսում այդ հանցագործությունների մասին, դեմ չէին հանդես գալիս 1915-1916 թվականների իրադարձությունների մասին ստին։
Շատ շատերը, սկսած դոկտոր Յոհանես Լեփսիուսից, իրենց բոլորովին այլ կերպ են պահել։ Բայց նույնիսկ այդ համարձակ հրապարակախոսը պատրաստ չէր բաց կերպով խոստովանել կայզերական ռեժիմի պատասխանատվությունը Հայոց ցեղասպանության համար։
Էլ ավելի կարեւոր է այսօր իրերն իրենց անունով կոչելը, որպեսզի ճշմարտության ուժը հաղթանակի։
Աղբյուրը՝ NEWS.am
1
2
3
4
5
1
2
3
4
5
2
