ՕԵԿ-ը տրանսֆորմացիայի է ենթարկվել. Առաջնայինը սեփական բիզնեսն է
Արման Ալավերդյանը ֆեյսբուքյան իր էջում գրում է.
Էլէներգիայի սակագնի բարձրացման խնդիրը շարունակում է մնալ հանրությանը հուզող գլխավոր հարցը: Քաղաքացիների համար առաջնային է, որ էլէներգայի սակագնի թանկացումը իրենք իրենց ուսերին չեն զգա, քանի որ սակագնի 6.93 դրամի թանկացումը սուբսիդավորվելու է մինչև ՀԷՑ-ում աուդիտի իրականացումը: Սակայն սուբսիդավորումը չի վերաբերում խոշոր բիզնեսին, և խոշորները էլէներգիայի համար վճարելու են թանկացված սակագնով:
Հասկանալի է, որ այս հանգամանքը խոշոր բիզնեսի շատ ներկայացուցիչների կարող է դուր չգալ. նրանք չեն ցանկանում էլէներգիայի համար վճարել իրենց ստացած գերշահույթների հաշվին: Չնայած հանուն արդարության պետք է նշել, որ խոշորների գերշահույթների համատեքստում, այս բարձրացումը չնչին ազդեցություն կունենա:
Խոշոր բիզնեսի կարկառուն ներկայացուցիչներից է նաև Արթուր Բաղդասարյանը, ով իր լրատվամիջոցներով սուր պայքարի մեջ է մտել խոշոր բիզնեսի ծախսած էլեկտրանէներգիայի սակագնի 6,93 դրամը փոխհատուցելու համար: Հայտնի է, որ Արթուր Բաղդասարյանին են պատկանում մի շարք ընկերություններ, ու չնայած նա հանդես է գալիս որպես քաղաքական ուժի ղեկավար, սակայն փաստացի խոշոր բիզնեսմեն է:
Այս պարագայում Արթուր Բաղդասարյանի վարքագիծը տարակուսանքի տեղիք է տալիս: Եվ միևնույն ժամանակ հարց է առաջանում. Ա. Բաղդասարյանը պաշտպանում է սոցիալապես անապահով բնակչության շահերը, թե՞ գերշահույթներ ստացող խոշոր բիզնեսի ներկայացուցիչների:
Թերևս պատասխանը պարզ է՝ Արթուր Բաղդասարյանը թքած ունի թե էլէներգիայի սակագնի թանկացումը կսուբսիդավորվի ազգաբանակչության համար, թե ոչ, կարևորը այն է, որ խոշոր բիզնեսի ստացած գերշահույթները թեկուզ 0,0001 տոկոսով ավել լինեն:
Այս պարագայում որքան էլ որ Արթուր Բաղդասարյանը փորձի հիմնավորել իր գործելակերպը, սակայն այն զուրկ է հիմնավորումից, քանի որ անհասկանալի է և անտրամաբանական, թե ինչո՞ւ պետք է հարկատուներիս հաշվին ֆինանսավորվեն առանց այդ էլ գերշահույթներ ունեցող խոշոր գործարարները:
1
2
3
4
5
3
4
5
2
3
4
5
