Ադրբեջանական բանակը ենթասպա է կորցրել
Header
Ադրբեջանի պաշտպանության նախարարության Լեռնային Ղարաբաղի Հանրապետության հյուսիսարեւելյան սահմանում տեղակայված զորամասերից մեկի ենթասպա Իբրահիմ Իսմայիլ օղլու Օսմանովը, ով երեք օր առաջ վիրավորվել էր, մահացել է զինվորական հոսպիտալում:
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները` հղում կատարելով Ադրբեջանի ՊՆ աղբյուրներին:
Ըստ տեղեկությունների` Կախի շրջանից զինծառայության զորակոչված Իբրահիմ Օսմանովը հրազենային վիրավորումներ էր ստացել կրծքի շրջանում:
Ադրբեջանի ՊՆ-ն չի մեկնաբանել փաստը: Ադրբեջանի պաշտպանական գերատեսչությունը չէր հայտնել նաեւ ենթասպայի վիրավորվելու մասին:
Թեեւ Ադրբեջանը շարունակում է սեփական զինուժում գրանցված մահվան դեպքերի եւ արտակարգ պատահարների մասին տեղեկությունները թաքցնելու քաղաքականությունը, այդուհանդերձ ՀՀ ՊՆ եւ ԼՂՀ ՊԲ կողմից սեփական միջոցներով ձեռք բերված տեղեկությունների համաձայն` տարվա սկզբից մինչ այժմ ադրբեջանական բանակի կորուստը կազմել է առնվազը 92 զինծառայող եւ 31-ից ավելի վիրավոր:
1
2
3
4
5
1
2
3
1
2
3
5
