Մակրոնը խոստացել է նոր հարվածներ հասցնել Սիրիային՝ քիմիական զենքի կիրառմանն ի պատասխան
Միջազգային
Ֆրանսիացի զինվորականները պատրաստ կլինեն նոր հարվածներ հասցնել Սիրիայի ուղղությամբ Դամասկոսի կողմից քիմիական զենքի նոր կիրառման դեպքում։ Այդ մասին հայտարարել է Ֆրանսիայի նախագահ Էմանուել Մակրոնը, գրում է interfax.ru-ն։
«Մենք կշարունակենք գործել այդկերպ, եթե տեսնենք քիմիական զենքի կիրառման նոր հաստատված դեպքեր»,- ասել է նա ֆրանսիացի դեսպանների առաջ ելույթի ժամանակ՝ հիշեցնելով, որ Փարիզն ավելի վաղ արդեն հարվածներ է հասցրել Սիրիայի ուղղությամբ։
Նա հավելել է, որ Մոսկվայից և Անկարայից ակնկալում է Դամասկոսի նկատմամբ ավելի մեծ ճնշում՝ սիրիական հակամարտության քաղաքական կարգավորման հասնելու համար։ Նախագահի խոսքով՝ այժմ սիրիական իշխանությունները ցույց չեն տալիս, որ ձգտում են քաղաքական կարգավորման։
Հիշեցնենք, որ այս տարի՝ լույս ապրիլի 14-ին, ԱՄՆ-ն, Մեծ Բրիտանիան ու Ֆրանսիան ավիահարվածներ են հասցրել Սիրիային՝ ի պատասխան Դումա քաղաքում իրականացված քիմիական հարձակման, որի համար Արևմուտքը մեղադրել է սիրիացի զինվորականներին։
1
2
3
4
5
1
2
3
4
5
3
4
5
