Բալոտելի. Խոշոր առաջարկ ունեի Չինաստանից, բայց ես ցանկանում եմ հայտնվել Եվրո-2020-ում
Սպորտ
«Նիսի» հարձակվող Մարիո Բալոտելին, ով վերջերս որոշել է մնալ ակումբում նաև հաջորդ մրցաշրջանում, հաստատել է, որ մերժել է չինական ակումբներից մեկի խոշոր առաջարկը:
«Չինաստանից ֆինանսական առումով խոշոր առաջարկ էի ստացել, շատ խոշոր, բայց ես այն մերժեցի, քանի որ սիրում եմ ֆուտբոլ խաղալ և հիմա մտածում եմ միայն այդ մասին:
Այս երկու տարիները շատ կարևոր են, քանի որ Իտալիայի հավաքականի հետ ցանկանում եմ հայտնվել Եվրոպայի 2020 թվականի առաջնությունում: Եթե մեկնեմ Չինաստան, դժվար կլինի:
Նախընտրում եմ չշտապել Չինաստան տեղափոխության հարցում: Սիրում եմ ֆուտբոլ խաղալ, իսկ գումարներն ավելի ուշ կգան»,- Բալոտելիի խոսքերն է փոխանցում «Get French Football News»-ը:
Բալոտելին «Նիս» է տեղափոխվել «Լիվերպուլից» 2016 թվականի ամռանը: Ֆրանսիական ակումբ տեղափոխվելուց հետո 28-ամյա հարձակվողը 43 անգամ գրավել է մրցակիցների դարպասները:
1
2
3
4
5
1
2
3
5
2
