Նոր Զելանդիայում կարգելվեն պոլիէթիլենային տոպրակները
Միջազգային
2019 թվականի հուլիսից Նոր Զելանդիայում կարգելվեն միանգամյա օգտագործման պոլիէթիլենային տոպրակները: Այս հայտարարությունն արել է երկրի վարչապետ Ջասինդա Արդերնը, հաղորդում է The Guardian-ը:
«Մենք միլիոնավոր միանգամյա օգտագործման պոլիէթիլենային տոպրակներ ենք օգտագործում, կույտերով տոպրակներ: Արդյունքում այս տոպրակներն աղտոտում են առափնյա ու ծովային միջավայրը՝ լուրջ վնաս հասցնելով ծովային կենդանիների բոլոր տեսակներին: Սակայն պետք է հաշվի առնել, որ սպառողների ու գործարարների համար իրական այլընտրանք կա», - ասել է վարչապետը:
Արդերնի խոսքով՝ ավելի վաղ ինքը թերագնահատել է խնդրի ծավալները և այն, թե որքան է այն մտահոգում Նոր Զելանդիայի բնակիչներին:
«Ամենամեծ խնդիրը, որի վերաբերյալ նամակներ եմ ստանում քաղաքացիներից, պլաստիկն է: Ընդ որում՝ այդ հարցերը ստացվում են հիմնականում երեխաներից», - նշել է նա:
Աղբյուրի հաղորդմամբ՝ այժմ Նոր Զելանդիայի կառավարությունը միանգամյա օգտագործման պոլիէթիլենային տոպրակներից հրաժարվելու պլան է մշակում:
Երկրի իշխանությունները կարծում են, որ պոլիէթիլենից պարտադիր հրաժարվելու նախագիծն ավելի էժան ու արդյունավետ կլինի, քան տուգանքներ սահմանելը:
1
2
3
4
5
1
2
3
4
5
2
