Կոտայքի մարզպետը շարունակում է ստել և հերքել ակնհայտ իրողությունները

Միքայել Սահակյանը ֆեյսբուքյան իր էջումգրում է.

Կոտայքի մարզպետը արդեն հասցրել է հայտնվել լրատվամիջոցների ուշադրության կենտրոնում և ամենևին ոչ լավ իմաստով: Մարզպետը որոշել է իր ուժերը փորձել գյուղապետերի դեմ պայքարում, նրանց հանդեպ կիրառելով բացահայտ տեռոր և սպառնալիքներ, հորդորելով օր առաջ հրաժարական տալ, հակառակ պարագայում սպառնալով դատախազությամբ և բանտ «նստցնելով»:
Սակայն զարմանալին այն է, որ այսքանից հետո ինքը մարզպետը լրատվամիջոցների հետ հարցազրույցում «չորով» հերքում է այդ ամենը, մոռանալով, որ մարզում վաղուց արդեն այդ ամենը հայտնի է և արդեն հասցրել է հարուցել մարզի բնակիչների արդարացի դժգոհությունը:
Կոտայքի մարզպետը չի հասկանում, որ, հերքելով, իրեն ավելի ծիծաղելի դրության մեջ է դնում, քանզի չի կարող սուտ լինել այն, ինչի մասին ամիսներ շարունակ խոսում են մարզի բնակիչները: Չի կարող գյուղացին չիմանալ, որ իր գյուղի գյուղապետի վրա ճնշում է գործադրում մարզպետը: Սրանք բաներ են, որոնք թաքցնել հնարավոր չէ, բայց մարզպետը սա կարծես թե դեռ չի հասկացել և մտածում է, թե ստելով կարող է թաքցնել ակնհայտ իրողությունը:
Մարզպետը ժխտում է անգամ այն, որ ինքը աղանդավորական կազմակերպության ներկայացուցիչ է, չհասկանալով, որ ինքը տարիներ շարունակ ապրել է Աբովյան քաղաքում, և բավական է փոքրիկ հարցում անցկացնել Աբովյանի բնակիչների շրջանում, որ այս ամենը անմիջապես բացահայտվի: Ակնհայտ փաստերը ժխտելու փոխարեն Ռոմանոս Պետրոսյանը պետք է վերջապես նայի իրականության աչքերին, այլապես կարող է հայտնվել Կոտայքի բնակիչների բողոքի ալիքի առաջ: