Դատաբժշկական կեղծ փորձաքննությունը՝ կալանավորման հիմք

Արդեն տևական ժամանակ է, ինչ ԲՀԿ նախագահ Գագիկ Ծառուկյանի թիկնազորի պետը՝ Էդուարդ Բաբայանը գտնվում է կալանքի տակ։ Ենթադրյալ տուժողը, ով դեպքից հետո Պրոմեդոլ դեղի ազդեցության տակ հայտարարություններ էր արել , սթափվելուց անմիջապես հետո հերքեց իր բոլոր հայտարարությունները:
Ստացվում է, որ Բաբայանի կալանավորման համար չկա որևէ մեղադրանք, չկա հիմք, բայց փոխարենը կա դատաբժշկական հանելուկային փորձաքննություն, որը ոչ մի կերպ տրամաբանության մեջ չի տեղավորվում, երբ համեմատում ենք առկա փաստերի հետ։ 
Ըստ դատաբժշկական փորձաքննության արդյունքների՝ ենթադրյալ տուժողի մոտ առկա են սալջարդեր, կողոսկրի կոտրվածք և ծակված են թոքերը։ Հարց է առաջանում, եթե փորձաքննության արդյունքները համապատասխանում են իրականությանը և եթե Հարությունովը նման ծանր վնասվածքներ է ունեցել ինչու՞ է հիվանդանոցից ընդամենը երկու օր անց դուրս գրվել և ի՞նչ «գերբնական ուժի» շնորհիվ է կարողանում դեպքից ընդամենը ազատ ու անկաշկանդ շարժումներ անել։
Համացանցում տարածված մի շարք տեսանյութեր միանգամայն վկայում են այն մասին, որ Հարությունովը լիարժեք առողջ վիճակում է գտնվում, քանի որ կողոսկրի կոտրվածքով մարդը չի կարող ազատ շարժել ձեռքերը, անհանգիստ շարժումներ անել, անհնար է նաև այն, որ ծակված թոքերով մարդը կարողանա նման բարձր առոգանությամբ խոսել ու ժամեր շարունակ սպասել դատարանում։ Անհերքելի ապացույցները վկայում են՝ դատաբժշկական փորձաքննությունը կեղծ է։ 
Սա անօրինականության ցինիկ դրսևորում է և անպայման իրավապահ մարմինները պետք է դեպքի խորը ուսումնասիրություն կատարեն ու պատասխանատվության կանչեն այն դատաբժշկին, ով փորձաքննության նման արդյունքեր է տվել։ 
Հետաքրքիր է, թե ե՞րբ է վերջապես այս մասին խոսելու Գագիկ Ծառուկյանը և երբ է զբաղվելու ակնհայտ փաստերը կեղծ տեսանկյունից ներկայացնող իրավասու անձանց օերնքով սահամնված կարգով պատասխանատվության ենթարկելու գործընթացով: