Մարտական հենակետում զոհված Կարեն Հովհաննիսյանը 5 ամսից պետք է զորացրվեր
Հասարակություն
NEWS.am-ը գրում է.
ՊԲ արեւելյան ուղղությամբ տեղակայված զորամասերից մեկի մարտական հենակետում oգոտոսի 12-ին հակառակորդի հրազենից սպանված 23-ամյա Կարեն Հովհաննիսյանը ժամկետային զինծառայող էր, պետք է զորացրվեր դեկտեմբերի 25-ին:
Կարենը գոհ է եղել ծառայությունից, բանակից չի խուսափել, բայց երեք տարի ուշ է զորակոչվել, որովհետեւ քաշի խնդիր է ունեցել:
«Ասում էր` բանակում ամեն ինչ շատ լավ ա, ոչ մի բանից չէր բողոքում, վերջին անգամ, որ տեսա, ասեց՝ քիչ մնաց, դեկտեմբերի գալիս եմ»,- NEWS.am-ին պատմեց Կարեն Հովհաննիսյանի հարեւան Յուրան:
Հարեւանի խոսքով` Կարեն Հովհաննիսյանը բնավորությամբ հանգիստ էր, կռվարար չէր.«Իմ տան մեջ մեծացած երեխա էր, շատ խելոք տղա։ Ես իրան կռիվ անելուց չեմ տեսել, մեկին վատ բառ ասելուց չեմ տեսել»:
Կարենը մինչեւ բանակ գնալը զբաղվել է մինի ֆուտբոլով, որոշ ժամանակ աշխատել խանութում: Ընտանիքի երկու զավակներից ավագն էր, ծնողների եւ կրտսեր եղբոր հետ բնակվում էր Երեւանի Մալաթիա–Սեբաստիա համայնքում։ Կարենի մարմինն այսօր տուն կտեղափոխեն։
1
2
3
4
5
1
2
3
4
5
1
2
5
