Սեքսուալ էվոլյուցիա. Մ.թ.ա.-ից մինչեւ մեր օրեր

Bravo.am-ը գրում է.

Առաջին հայացքից կարող է թվալ, թե սեքսում  բոլոր սցենարները վաղուց հայտնի են, բայց, այնուամենայնիվ, այն նույնպես զարգացումներ է ապրել` պարզունակից մինչեւ այլասերվա... ավելի ճիշտ` պարզից մինչեւ բարդը: Իհարկե, սեքսով զբաղվելը շատ ավելի հաճելի է, քան սեքսի էվոլյուցիային հետեւելը, բայց վստահեցնում եմ` վերջինս էլ շատ հետաքրքիր է:

Լուսի Քոչարյանը

Միլիոնավոր տարիներ մ.թ.ա. Սեքսը՝ որպես սերնդի շարունակություն

Հոգեբան Մեթ Ռիդլին իր «Սեքսն ու մարդկային բնույթի էվոլյուցիան» գրքում պնդում է, որ բացարձակապես  ամեն ինչի շարժառիթը սեքսն է` քաղաքականություն, տնտեսություն, մշակույթ, արվեստ… Ես որ համամիտ եմ նրա հետ: Կարդալ-գրել չիմացող հնադարյան արարածն ուներ միայն մեկ խնդիր` սերունդ թողնել: Իսկ դրա միակ տարբերակը, պարզ է, սեքսն էր: Այս շրջանում կենսատու կինը պաշտամունքի էակ էր, ում հարգանքի մեծագույն տուրք էր մատուցվում:

Իսկ ընտանիք հասկացության ձեւավորմանը զուգընթաց տարածում գտավ հայրիշխանությունը. արուն կարող էր իրեն մի քանի կին թույլ տալ, սեփական գենետիկ նյութ թողնելու, հակաբեղմնավորիչներ կիրառելու խնդիր չկար. որքան շատ երեխա, այնքան ուժեղ հասարակություն: Եթե տղամարդն ուժեղ, խորամանկ եւ արագաշարժ էր, բնականաբար, նա սեքսի ու սերնդի խնդիր չուներ: Երեխա մեծացնելն էլ շատ բարդ չէր. վերջիններս չէին նվնվում iPad համար եւ ուսման մեծ ամբիցիաներ չունեին:

Մ.թ.ա. 2-րդ դար. Սեքսը` որպես ապրելու մշակույթ

Նախնադարյան հասարակությունն աննկատ անցում կատարեց  դեպի սեքսուալ բաց կայսրությունների` բաբելոնյան, եգիպտական, հունական: Ըստ Ֆրոյդի` մարդկությունը ոտք դրեց զարգացման «ֆալոսային» փուլ: Սեքսն այլեւս չէր ասոցացվում միայն ծնելիության հետ, այն պաշտամունքի առարկա էր: Հին աստվածներն օր ու գիշեր սեքսով էին զբաղվում: Մարդիկ այս փաստով հիացած` հետեւում էին նրանց օրինակին: Եգիպտական աստված Քաոսն անվերջ ինքնաբավարարվում էր` ծնելով նորանոր աստվածների, իսկ մարդիկ պաշտում էին նրան: Զարմանալի չէ, որ կինն առանց ֆալոսի էլ ավելի կորցրեց իր արժեքը: Բանը հասավ նրան, որ Հին Հունաստանում կնոջը սիրահարվելը հիվանդագին երեւույթ էր համարվում, իսկ սերը տղամարդու նկատմամբ ընկալվում էր որպես վեհապանծ ու հիասքանչ մի բան:

Շարունակությունը՝ այստեղ: