Աջակցությունը պարտադրանք ներկայացրած լրատվականը առնվազն պետք է ներողությամբ հանդես գա

Արման Հարոյանը ֆեյսբուքյան իր էջում գրում է.

Երեկ mamul.am լրատվականի հոդվածը այն մասին, թե Գագիկ Ծառուկայանը Հայատան է ներկրել «Նիվա» մակնիշի մեքենաներ և պարտադրել, որ իր գազալցակայանի աշխատակիցները դրանք գնեն շուկայականից 60 տոկոս բարձր գնով, և ամսական 80 հազար դրամ պահում է կատարվել նրանց աշխատավարձից՝ իրականության հետ ոչ մի ընդհանուր եզր չունեցող՝ ստոր սուտ է։

Mamul.am կայքի խմբագիրը ինչպես նաև լրագրողները զլացել են, և իրենց նեղություն չեն տվել լրագրողական հետաքննություն անցկացնել, փորձել ճշտել դեպքի մանրամասները, ճշմարտացի կամ սուտ լինելու հանգամանքը, և միայն դրանից հետո «սենսացիան» ներկայացնել հանրությանը։

Իրականությունն այն է, որ Մուլտի Գրուպ կոնցեռնի տնօրինությունը աշխատակիցների խնդրանքին ընդառաջ գնալով, առանց կանխավճարի նրանց է վաճառել նոր և արդեն մաքսազերծված մեքենաներ։

Իվետա Տոնոյանը ներկայացրել է այն սակագները, որոնցով վաճառվել են մեքենաները՝ ԼԱԴԱ 2107 մակնիշի ավտոմեքենա՝ 2,5 մլն դրամ, ԼԱԴԱ 2109 մակնիշի մեքենա՝ 2,7 մլն դրամ և ԼԱԴԱ 2121 Նիվա մակնիշի ավտոմեքենա՝ 4 մլն դրամով։ Մեքենաների գներին ուշադրություն դարձնելով անմիջապես կարելի է հասկանալ mamul.am լրատվականի ստի մասշտաբները։ Կայքի նշած ժամանակահատվածում դժվար թե գտնվեր ինչ որ մեկը, ով կկարողանար նման սակագնով նոր և մաքսազերծված մեքենա գնել, այն էլ ամսական վճարելով ընդամենը 60-ից 80 հազար դրամով։

Այնուամենայնիվ՝ mamul.am լրատվակա՛ն, սուտը ճշտի տեղ ներկայացնելուց պետք է պատրաստ լինել պատասխան տալ, հետևաբար հրապարակային ներողություն չխնդրելու դեպքում պատրաստ եղեք դատարանի արջև կանգնել՝ մարդու անունը ու համբավը վարկաբեկող նյութ տարածելու համար։