Սիրիայում հայ զինծառայող է զոհվել
Հասարակություն
Սիրիայի Դամասկոսի նահանգի Զաբադանի քաղաքում ռազմական գործողությունների հետեւանքով հայ զինծառայող է զոհվել: Ինչպես տեղեկացնում է Սիրիայում լույս տեսնող «Գանձասար» թերթը, զոհվել է 22-ամյա Հաբեթ Մանուկ Աբրիկյանը: Նա Սիրիայի բանակի զինծառայող էր:
Վերջին տվյալների համաձայն, Սիրիայի կառավարական զորքերը Լիբանանից աջակցության եկած «Հըզբոլլահ» շարժման ջոկատների հետ փոխգործակցությամբ շարունակում է Զաբադանիի ազատագրմանն ուղղված ռազմական գործողությունները:
Նախօրեին Սիրիայի բանակն իր վերահսկողության տակ է վերցրել մի շարք ռազմավարական կարեւոր նշանակություն ունեցող շենքեր:
Նշենք, որ Սիրիայում արյունալի իրադարձություններից առաջ այդ երկրում մոտ 60-70 հազար հայ էր բնակվում: Նրանց կեսից ավելին ապրում էր Հալեպում, իսկ մյուս կեսը՝ Լաթաքիա, Հոմս, Քամիշլի, Հասակե, Յակուբիե, Ռաքքա, Քեսաբ քաղաքներում եւ իհարկե մայրաքաղաք Դամասկոսում:
1
2
3
4
5
1
2
3
4
5
1
2
3
4
5
