Միջերկրական ծովը գալիս է Իտալիայի վրա
Միջազգային
Ծովի ջրի մակարդակի բարձրացման պատճառով, մինչև հարյուրամյակի վերջը ջրի տակ կարող են մնալ Ապենինյան թերակղզու ծովափնյա տարածքի տասնյակ քառակուսի կիլոմետրեր։
Եվրանյուզը գրում է, որ սուպերհամակարգիչները վերլուծել են օվկիանոսագիտության, երկրաբանության և երկրաֆիզիկայի տվյալները, որպեսզի կազմեն Միջերկրական ծովի մակարդակի կարճաժամկետ ու երկարաժամկետ կանխատեսումները։ Հեղեղման վտանգի տակ գտնվող տարածքների ցանկը գրեթե կրկնապատկվել է, դրանում ներառվել են Աբրուցցիի, Ապուլիայի, Սիցիլիայի, Սարդինիայի և Տոսկանայի ափերը։
Ավելի վաղ ՄԱԿ-ի կլիմայի հարցերի համաժողովում հայտարարվել էր, որ մինչև 2100 թվականը բևեռային սառույցների հալչելու պատճառով համաշխարհային օվկիանոսի մակարդակը կբարձրանա մեկ մետրով, դա, իհարկե, ամենահոռետեսական կանխատեսումն է։ Աշխարհի տարբեր հատվածներում ծովի մակարդակի բարձրացումը կլինի անհավասարաչափ։ Օրինակ Ֆիջիում, Համաշխարհային Բանկի գնահատականներով, 10 տարում անհրաժեշտ է ծախսել 4,5 միլիարդ դոլար, որպեսզի նվազագույնի հասցվի օվկիանոսի ջրի բարձրացման հետևանքները։ Արգելքներ կառուցելու համար Վենետիկում արդեն նման միջոցներ են ծախսել։
1
2
3
4
5
1
2
3
4
5
3
4
5
