Ի՞նչ իմաստ ունի ստահոդ լուրեր տարածել, երբ դրանք թիթեռի կյանք ունեն

Մարի Սմբատյանը ֆեյսբուքյան իր էջում գրում է.

Այն, որ Գագիկ Ծառուկյանի օգնականի ձերբակալությունը ոչ մի հիմնավոր պատճառ և փաստարկ չուներ, պարզ դարձավ երեկվա դատական նիստում, որտեղ առկա Բաբայանի օգտին խոսող փաստերի սակավաթիվ լինելն ու նիստի արհեստական երկարաձգումը ցույց տվեցին, որ բոլորովին այլ շարժարիթներ կան այս ամենի հետևում:

«Օլիմպավանի» շահարկվող դեպքի հետ կապված հսկայական աղմուկն իրականում մամուլի վարձրացրած վայնասունի արդյունքն էր, որը միտումնավոր կերով կամ որոշակի բոնուսավորման համար մի շարք լրատվականներ ֆետիշացնում էին, գույներ հաղորդում ու հասարակաությանը մեկը մեկի հետևից «անակնկալներ» մատուցում:

Բայց շատ ժամանակ պահանջվեց՝ նրանց հիասթափություն ապրելու համար, որովհետև ոչ մի տեսակի ապացույց ի հայտ չեկավ՝ բացի հերքումներից:

Բայց այդ արհեստական թեժացման վիճակը կարծես թե դուր է եկել որոշ լրատվականների ու այսօր «արխիվային պեղումների» արդյունքում վերստին փորձել են կրակի վրա յուղ լցնել:

Հիմա էլ այս շարքային թերթոններից մեկը հիշել է նախկին ԲՀԿ-ական Գրիգոր Գրիգորյանին (Շերիֆին) և նրա՝ կուսակցությունից հեռանալու մասին մարտաֆիլմի համար լավագույն սցենար դառնալու պոտենցիա ունեցող պատմություն է հորինել; Իբրև թե վերջինս կուսակցությունը թողել է և մանդատը վայր դրել հենց Էդուարդ Բաբայանի կողմից ծեծի ենթարկվելուց հետ: Նախկին ԲՀԿ-ականը անմիջապես արձագանքել է իր անձի հետ առնչվող ապատեղեկատվությանը՝ նշելով, որ նման բան չի եղել, որ Գագիկ Ծառուկյանի հետ նա մտերիմ ընկեր է և որ այդ ժամանակ քաղաքականությունը թողել է առողջական խնդիրների պատճառով:

Ահա և վերջ՝ փաստերրի լեզվով արված հերթական հերքումը: Պարզապես հարց է առաջանում, թե ի՞նչ իմաստ ունի ստահոդ լուրերով հանդես գալ, երբ դրանք թիթեռի կյանք ունեն, ու ապատեղեկատվությունը անմիջապես հերքվում է: